സഫേൺ (ന്യൂയോർക്ക്).: ഈ വർഷവും റോക്ക് ലാൻഡ് സെൻറ് മേരീസ് ഓർത്തഡോക്സ് ദേവാലയത്തിൽ വെക്കേഷൻ ബൈബിൾ സ്കൂൾ ജൂലൈ 26 മുതൽ 28 വരെ നടത്തുന്നു.
ഈ വർഷത്തെ ഓ വി ബി എസ് ജൂലൈ 26 വെള്ളിയാഴ്ച വൈകുന്നേരം 4 മുതൽ 8 വരെയും ഇരുപത്തിയേഴാം തീയതി ശനിയാഴ്ച രാവിലെ 10 മുതൽ നാലു വരെയും സമാപന സമ്മേളനം 28ആം തീയതി ഞായറാഴ്ച 8 45 തുടങ്ങുന്ന വിശുദ്ധ കുർബാനയ്ക്ക് ശേഷവും നടത്തുന്നതാണ്. ഓ വി ബി എസ് ഡയോസിഷൻ ഡയറക്ടർ രാജു ജോയ് ഉദ്ഘാടനം നടത്തും . ചർച്ച വികാരി മുൻ ഒ വിഎസ് ഡയറക്ടർ. Fr. ഡോ. രാജു വർഗീസ്, പ്രിൻസിപ്പൽ എലിസബത്ത് വർഗീസ്, വൈസ് പ്രിൻസിപ്പൽ ജിഷ തോമസ്, കോർഡിനേറ്റേഴ്സ് ജോബി വർഗീസ്, ദീപ ജേക്കബ് എന്നിവർ നേതൃത്വം നൽകും. സെന്റ് ലുക്ക് 11:1 എന്ന വാക്യത്തെ ആധാരമാക്കി “LET US PRAY” എന്നുള്ളതായിരിക്കും ഈ വർഷത്തെ വെക്കേഷൻ ബൈബിൾ സ്കൂൾ പ്രമേയം.
ഈ വർഷത്തെ OVBS വിജയകരമായി സംഘടിപ്പിക്കുന്നതിന് സൺഡേ സ്കൂൾ അധ്യാപകർ, MGOCSM മെമ്പേഴ്സ് എന്നിവർക്കൊപ്പം സൺഡേ സ്കൂൾ കുട്ടികളും അവരുടെ മാതാപിതാക്കളും ടീച്ചേഴ്സും വോളണ്ടിയേഴ്സ് സും പങ്കെടുക്കും. ഈ വർഷത്തെ പ്രമേയത്തെ ആസ്പദമാക്കിയുള്ള പാട്ട്, കഥകൾ എന്നിവ കൂടാതെ ഗ്രേഡ് തിരിച്ചുള്ള ക്ലാസ്സുകളും ക്രാഫ്റ്റ്, ക്വിസ്, ഗെയിംസ് തുടങ്ങിയവയും സമാപന സമ്മേളനത്തോടനുബന്ധിച്ച് ടീഷർട്ട് ധരിച്ചുള്ള റാലിയും ഉൾപ്പെടുത്തിയിട്ടുണ്ട്.
കൂടാതെ സമീപ ഇടവകളിലുള്ള എല്ലാ സൺഡേ സ്കൂൾ കുട്ടികളെയും ഈ വർഷത്തെ ഒവിബിഎസിൽ പങ്കെടുക്കാൻ ഹാർദ്ദവമായി സ്വാഗതം ചെയ്യുന്നു. രജിസ്ട്രേഷൻ ചെയ്യുന്നതിന് ഇതോടൊപ്പം ചേർത്തിട്ടുള്ള ഫ്ലയറിലുള്ള ക്യു ആർ കോഡ് സ്കാൻ ചെയ്യുക. Church Address: St Mary’s Indian Orthodox Church, 66 East Maple Avenue, Suffern, New York 10901.
വാർത്ത : മത്തായി ചാക്കോ