ബോസ്റ്റണ്‍: ന്യൂ ഇംഗ്‌ളണ്ടിലെ പ്രമുഖ മലയാളി സംഘടനയായ കേരളാ അസോസിയേഷന്‍ ഓഫ് ന്യൂ ഇംഗ്‌ളണ്ടിന്റെ (കെയ്ന്‍) ആഭിമുഖ്യത്തില്‍ ക്രിസ്തുമസ് – പുതുവത്സരാഘോഷങ്ങള്‍ വിപുലമായ രീതിയില്‍ പുതിയ സാരഥികളോടൊപ്പം നടത്തപ്പെടുന്നു.
പ്രസിഡണ്ട് വര്‍ഗീസ് പാപ്പച്ചന്റെ (ഷാജി) നേതൃത്വത്തില്‍ വൈസ് പ്രസിഡണ്ട് ഷീല കൈതമറ്റം, സെക്രട്ടറി അനില്‍ വര്‍ഗീസ്, ജോയിന്റ് സെക്രട്ടറി ഷൈനി എബ്രഹാം , ട്രഷറര്‍ റോഷന്‍ ജോര്‍ജ് എന്നിവര്‍ കമ്മിറ്റി അംഗങ്ങളോടൊപ്പം പരിപാടികളുടെ വിജയത്തിനായി പ്രവര്‍ത്തിച്ചു വരുന്നു. ആര്‍ട്‌സ് സെക്രട്ടറി കാജല്‍ അന്തിക്കാടാണ് കലാപരിപാടികള്‍ക്ക് നേതൃത്വം നല്‍കുന്നത്.
ബോസ്റ്റണു സമീപം മെഡ്വേ ഹൈസ്‌കൂളില്‍ ഡിസംബര്‍ 18 നു ശനിയാഴ്ച 2 മുതല്‍ 6 വരെയാണ് പരിപാടികള്‍ ക്രമീകരിച്ചിരിയ്ക്കുന്നത്. ന്യൂ ഇംഗ്ലണ്ടിലെ മലയാളികളുടെ കൂട്ടായ്മയായ ഈ സംഘടന 50 വര്‍ഷങ്ങള്‍ പിന്നിട്ടിരിക്കുന്നതിന്റെ സ്മരണികയായി പുറത്തിറക്കിയ സുവനീറിന്റെ കോപ്പികള്‍ അന്നേ ദിവസം വിതരണം ചെയ്യും.
മുഖ്യാതിഥി ക്‌നാനായ ആര്‍ച്ച് ഡയോസിസ് അമേരിക്ക -കാനഡ- യൂറോപ്പ് മെത്രാപ്പൊലീത്താ അഭിവന്ദ്യ അയൂബ് മോര്‍ സില്‍വാനിയോസ് പുതുവത്സര സന്ദേശം നല്‍കും. ഫാ.സിജോ ജേക്കബ് സി.എം.ഐ (കാര്‍മലൈറ്റ് ചാപ്പല്‍, പീബഡി) ക്രിസ്തുമസ് സന്ദേശം അറിയിക്കും. തുടര്‍ന്ന് ക്രിസ്തു ജനനത്തെ ഓര്‍മപ്പെടുത്തുന്ന സ്‌കിറ്റിനോടുകൂടി വിവിധ കലാപരിപാടികള്‍ ആരംഭിക്കും.
ശ്രുതിമധുരമായ ക്രിസ്തുമസ് ഗാനങ്ങള്‍ കോര്‍ത്തിണക്കിയ ലൈവ് ഓര്‍ക്കസ്ട്ര, ക്രിസ്തുമസ് അപ്പൂപ്പന്‍ നയിക്കുന്ന പരേഡ്, ക്ലാസിക്കല്‍, സെമിക്ലാസിക്കല്‍, സിനിമാറ്റിക്കല്‍ ഡാന്‍സുകള്‍, സ്‌കിറ്റുകള്‍ തുടങ്ങിയവ കോര്‍ത്തിണക്കിയ കലാപരിപാടികള്‍ക്ക് ബോസ്റ്റണിലെയും സമീപ പ്രദേശങ്ങളിലെയും എല്ലാ ദേവാലയങ്ങളിലെയും കലാകാരന്മാരുള്‍പ്പെടെ മറ്റു കലാപ്രതിഭകളും സജീവമായി പങ്കെടുക്കും. ഏകദേശം 4 മണിക്കൂര്‍ നീളുന്ന ദൃശ്യവിരുന്നിലേക്ക് എല്ലാവരെയും ക്ഷണിക്കുന്നതായി പ്രസിഡണ്ട് ഷാജി അറിയിച്ചു.
വെജിറ്റേറിയന്‍ – നോണ്‍ വെജിറ്റേറിയന്‍ വിഭവങ്ങളോടെയുള്ള ക്രിസ്തുമസ് ഡിന്നറോടെ പരിപാടികള്‍ സമാപിക്കുന്നതാണ്.
കൂടുതല്‍ വിവരങ്ങള്‍ക്ക്: വര്‍ഗീസ് പാപ്പച്ചന്‍ (ഷാജി) (പ്രസിഡണ്ട്) – 508 423 9291, അനില്‍ വര്‍ഗീസ് (സെക്രട്ടറി) – 857 707 2503, കാജല്‍ അന്തിക്കാട് (ആര്‍ട്‌സ് സെക്രട്ടറി) – 617 378 7823
വെബ്‌സൈറ്റ് – www.kaneusa.org
കുര്യാക്കോസ് മണിയാട്ടുകുടിയില്‍ അറിയിച്ചതാണിത്.
റിപ്പോര്‍ട്ട് : ജീമോന്‍ റാന്നി
