ശ്രീജയ പുതുമന
ബ്രാംപ്ടൺ : കാനഡയിലെ ശ്രീ പ്രസിദ്ധമായ ഗുരുവായൂരപ്പൻ ക്ഷേത്രത്തിൽ (ഗുരുവായൂരപ്പൻ ടെംപിൾ ഓഫ് ബ്രാംപ്ടൺ) ഫെബ്രുവരി രണ്ടാം തീയതി മുതൽ എല്ലാ വെള്ളിയാഴ്ചയും ആത്മീയ പ്രഭാഷണം സംഘടിപ്പിക്കുന്നു. ലോകപ്രശസ്തരായ ഒൻപതു സനാതന ഗുരുക്കളാണ് ഈ നവാത്മബോധനത്തിലൂടെ ഭക്‌ തജനങ്ങൾക്ക് ധർമ്മ മാർഗത്തിലൂടെ അറിവും മോക്ഷമാർഗവും ഉപദേശിച്ചു ജീവിതോപദേശങ്ങളിലൂടെ വ്യാഖ്യാനിക്കുന്നത്.
ശീതകാലത്തിൽ മഞ്ഞു മൂടി കിടക്കുന്ന കാനഡയിൽ തുടർച്ചയായി ഇത് ആറാം തവണയാണ് ശ്രീ ഗുരുവായൂരപ്പൻ ക്ഷേത്രം ഭക്‌തജനങ്ങൾക്കു അറിവിന്റെ വെളിച്ചം പകരുവാൻ പ്രഭാഷണം സംഘടിപ്പിക്കുന്നത്. ഫെബ്രുവരി രണ്ടാം തീയതി വൈകുന്നേരം കാനഡ ഈസ്റ്റേൺ സമയം 8 മണി മുതൽ 9 മണി വരെ നടക്കുന്ന ഓൺലൈൻ സും വഴി സംഘടിപ്പിക്കുന്ന പ്രഭാഷണത്തിൽ ലോകത്തിൻ്റെ ഏതു കോണിലിരുന്നു കൊണ്ടും പങ്കെടുക്കാവുന്നതാണ്.
സ്വാമി അപരാജിതാനന്ദ, പൂജ്യ സാധ്വിജി, സ്വാമി പരം ചൈതന്യ, സ്വാമി അനുകൂലാനന്ദ, സ്വാമി മേധാനന്ദ, വനമാലി മാതാജി, സ്വാമി ത്യാഗാനന്ദ, സ്വാമിനി പ്രവ്രാജിക, സ്വാമിനി സുപ്രിയാനന്ദ എന്നിവരാണ് മുഖ്യ പ്രഭാഷകർ. ഈ നവാത്മബോധനത്തിന്റെ ഭാഗമാകുവാൻ എല്ലാ ഭക്‌തജനങ്ങളെയും സ്വാഗതം ചെയ്യുന്നു.
ഫെബ്രുവരി 2 മുതൽ മാർച്ച് 29 വരെ എല്ലാ വെള്ളിയാഴ്ചകളിലും വൈകുന്നേരം 8:00 PM to 9:00PM Eastern Time (US and Canada) (झल्ली . जीभी 6:30നു മായിരിക്കും)
കാനഡയിലെ ബ്രാംപ്ടനിൽ സ്ഥിതിചെയ്യുന്ന ശ്രീ ഗുരുവായൂരപ്പൻ ക്ഷേത്രത്തിൽ തന്ത്രി ശ്രീ കരിയന്നൂർ ദിവാകരൻ നമ്പൂതിരിയുടെ കാർമികത്വത്തിൽ തികച്ചും കേരളതനിമയോടെയാണ് പൂജാവിധികൾ നടത്തുന്നത്. കാനഡയിൽ എല്ലാ ദേശത്തു നിന്നും ഭക്തർ എത്തുന്ന ഈ ക്ഷേത്രത്തിൽ കേരളത്തിലെ പ്രധാന ആഘോഷങ്ങളും, വിശേഷദിവസങ്ങളും ആചരിക്കുകയും അന്നദാനം, സാമൂഹ്യസേവനം തുടങ്ങി ഒരുപാട് സന്നദ്ധ പ്രവർത്തനങ്ങളും സംഘടിപ്പിക്കുകയും ചെയ്യുന്നു.
