തെന്നിന്ത്യന്‍ സിനിമാ താരം വിജയ് ദേവരക്കൊണ്ടക്കൊപ്പം ഹോളി ആഘോഷിച്ച് നടി മൃണാള്‍ താക്കൂര്‍. ഇരുവരും ഒന്നിച്ച് അഭിനയിക്കുന്ന ഫാമിലി സ്റ്റാര്‍ എന്ന സിനിമയുടെ പ്രമോഷണ്‍ ഈവന്‍റിലാണ് ഇരുവരും ഹോളി ആഘോഷിച്ചത്ഹോളി ആഘോഷത്തിന്‍റെ വീഡിയോകളും മൃണാൽ തൻ്റെ ഇൻസ്റ്റാഗ്രാം സ്റ്റോറികളിൽ പങ്കുവച്ചു.ചടങ്ങിൽ പങ്കെടുത്ത എല്ലാ ആരാധകർക്കും ഹോളി ആശംസകൾ നേർന്ന ഇരുവരും ‘കല്യാണി വച്ച വച്ച’ എന്ന ഗാനത്തിന് നൃത്തച്ചുവടുകള്‍ വെച്ചു.
ഇവർ സ്റ്റേജിൽ നൃത്തം ചെയ്യുന്ന വീഡിയോകൾ നിരവധി ഫാൻ പേജുകൾ വഴി സോഷ്യൽ മീഡിയയിൽ വൈറലായി കഴിഞ്ഞു. വിജയ് ദേവരക്കൊണ്ടയുടെ കവിളില്‍ നിറങ്ങള്‍ പൂശുന്ന മൃണാളിന്‍റെ വീഡിയോ ആരാധകര്‍ ഏറ്റെടുത്തു.
ഇരുവരും പ്രധാന വേഷത്തിലെത്തുന്ന പരശുറാം പെറ്റ്‌ല സംവിധാനം ചെയ്യുന്ന ഫാമിലി സ്റ്റാർ ഏപ്രിൽ 5 ന് തിയേറ്ററുകളിൽ എത്തും.ദുൽഖർ സൽമാനുമൊത്തുള്ള സീതാരാമത്തിനും നാനിക്കൊപ്പമുള്ള ഹായ് നന്നയ്ക്കും ശേഷം മൃണാൾ ചെയ്യുന്ന മൂന്നാമത്തെ ചിത്രമാണ് ഫാമിലി സ്റ്റാർ.സിനിമയുടെ റിലീസിന് മുന്നോടിയായി ഹൈദരാബാദിലെ ബൽകംപേട്ടിലുള്ള ശ്രീ യെല്ലമ്മ പോച്ചമ്മ ക്ഷേത്രത്തില്‍ അനുഗ്രഹം തേടി മൃണാള്‍ എത്തിയിരുന്നു.
