കൊച്ചി: പ്രശസ്ത ചലച്ചിത്ര താരം റിസബാവ അന്തരിച്ചു. 54 വയസായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.നൂറിലേറെ ചിത്രങ്ങളില് വില്ലനായും സ്വഭാവ നടനായും തിളങ്ങി. നാടക രംഗത്തും സജീവ സാന്നിധ്യമായിരുന്നു.
ടെലിവിഷന് പരമ്പരകളിലും റിസബാവ സജീവമായിരുന്നു. ഡബ്ബിങ്ങ് രംഗത്തും ശ്രദ്ധേയനായിരുന്നു
നാടകവേദികളിലൂടെയാണ് റിസബാവ സിനിമയിലെത്തുന്നത്. വിഷുപക്ഷിയാണ് ആദ്യ ചിത്രം. എന്നാല് ഇത് പുറത്തിറങ്ങിയില്ല.
1990ല് റിലീസായ ഡോക്ടര് പശുപതി എന്ന സിനിമയില് പാര്വ്വതിയുടെ നായകനായി അഭിനയിച്ചു കൊണ്ടായിരുന്നു റിസബാവയുടെ തുടക്കമെങ്കിലും ശ്രദ്ധിക്കപ്പെട്ടത് 90ല് തന്നെ പുറത്തിറങ്ങിയ സിദ്ദിഖ് ലാല് ചിത്രം ഇന് ഹരിഹര് നഗറിലെ ജോണ് ഹോനായ് എന്ന വില്ലന് വേഷത്തിലൂടെയാണ്.
ഡോക്ടര് പശുപതി, ആനവാല് മോതിരം, ബന്ധുക്കള് ശത്രുക്കള്, കാബൂളിവാല, വധു ഡോക്ടറാണ്, അനിയന് ബാവ ചേട്ടന് ബാവ ഊമപെണ്ണിന് ഉരിയാടാ പയ്യന്, പോക്കിരി രാജ, സിംഹാസനം തടങ്ങി നിരവധി ചിത്രങ്ങളില് ശ്രദ്ധേയ വേഷങ്ങള് കൈകാര്യം ചെയ്തു. മമ്മൂട്ടി ചിത്രം വണ്ണിലാണ് ഒടുവില് വേഷമിട്ടത്.