വാഷിംഗ്ടണ്‍: ലോകത്തെ ഏറ്റവും കൂടുതല്‍ അഴിമതിയുള്ള രാജ്യങ്ങളുടെ പട്ടിക പുറത്തിറക്കി ബെര്‍ലിന്‍ ആസ്ഥാനമായുള്ള ട്രാന്‍സ്പരന്‍സി ഇന്റര്‍നാഷനല്‍. 2024 ലെ കറപ്ഷന്‍ പെര്‍സെപ്ഷന്‍ ഇന്‍ഡക്‌സ് റാങ്കിങ് ആണ് പുറത്തിറക്കിയിരിക്കുന്നത്.
റിപ്പോര്‍ട്ട് പ്രകാരം ഏറ്റവും കുറവ് അഴിമതിയുളള രാജ്യം ഡെന്മാര്‍ക്കാണ്. ഏറ്റവും കൂടുതല്‍ അഴിമതിയുള്ള രാജ്യം ദക്ഷിണ സുഡാനും. ലോകമെമ്പാടുമുള്ള 180 രാജ്യങ്ങളുടെ പൊതുമേഖലയില്‍ നടക്കുന്ന അഴിമതിയുടെ അടിസ്ഥാനത്തില്‍ നടത്തിയ മൂല്യനിര്‍ണയത്തില്‍, പൂജ്യം മുതല്‍ 100 വരെയുള്ള സ്‌കോറുകള്‍ നല്‍കിയാണ് റാങ്കിങ് നടത്തിയിരിക്കുന്നത്. 2012 മുതല്‍ അഴിമതി കുറയ്ക്കുന്നതില്‍ 32 രാജ്യങ്ങള്‍ ശ്രദ്ധേയമായ പുരോഗതി കൈവരിച്ചിട്ടുണ്ടെങ്കിലും, അതേ കാലയളവില്‍ 148 രാജ്യങ്ങളില്‍ അഴിമതിയുടെ അളവ് വര്‍ധിച്ചിട്ടുണ്ട്. ആഗോള ശരാശരി സ്‌കോര്‍ 43ല്‍ തുടരുകയാണ്.
നൂറില്‍ 90 സ്‌കോര്‍ നേടിയാണ് ഡെന്മാര്ക്ക് ഏറ്റവും കുറഞ്ഞ അഴിമതിയുളള രാജ്യമായി മാറിയത്. പിന്നാലെ ഫിന്‍ലന്‍ഡും സിംഗപ്പൂരും രണ്ടും മൂന്നും സ്ഥാനത്തുണ്ട്. ഇന്ത്യയുടെ സ്ഥാനം പട്ടികയില്‍ 96 ആണ്. 2023 ല്‍ 93-ാം സ്ഥാനത്തായിരുന്ന ഇന്ത്യയുടെ സ്ഥാനം കൂടുതല്‍ മോശമായി. 2024ല്‍ ഇന്ത്യയുടെ മൊത്തത്തിലുള്ള സ്‌കോര്‍ 38 ആണ്. 2023ല്‍ ഇത് 39ഉം 2022ല്‍ 40ഉം ആയിരുന്നു.
ഏറ്റവും അഴിമതി നിറഞ്ഞ രാഷ്ട്രങ്ങളുടെ പട്ടികയില്‍ എട്ടുപോയിന്റുള്ള ദക്ഷിണ സുഡാന് പിന്നാലെ സൊമാലിയ, വെനസ്വേല, സിറിയ എന്നിവയും അഴിമതിയുടെ കാര്യത്തില്‍ മുന്‍നിരയിലുണ്ട്.
ഏറ്റവും കുറവ് അഴിമതിയുള്ള 10 രാജ്യങ്ങള്‍
റാങ്ക് 1: ഡെന്മാര്ക്ക് (സ്‌കോര്‍: 90)
റാങ്ക് 2: ഫിന്‍ലാന്‍ഡ് (സ്‌കോര്‍: 88)
റാങ്ക് 3: സിംഗപ്പൂര്‍ (സ്‌കോര്‍: 84)
റാങ്ക് 4: ന്യൂസിലന്‍ഡ് (സ്‌കോര്‍: 83)
റാങ്ക് 5: ലക്‌സംബര്‍ഗ് (സ്‌കോര്‍: 81)
റാങ്ക് 6: നോര്‍വെ (സ്‌കോര്‍: 81)
റാങ്ക് 7: സ്വിറ്റ്‌സര്‍ലാന്‍ഡ് (സ്‌കോര്‍: 81)
റാങ്ക് 8: സ്വീഡന്‍ (സ്‌കോര്‍: 80)
റാങ്ക് 9: നെതര്‍ലാന്‍ഡ്‌സ് (സ്‌കോര്‍: 78)
റാങ്ക് 10: ആസ്‌ട്രേലിയ (സ്‌കോര്‍: 77)
ഏറ്റവും കൂടുതല്‍ അഴിമതിയുള്ള 10 രാജ്യങ്ങള്‍
റാങ്ക് 180: ദ. സുഡാന് (സ്‌കോര്‍: 8)
റാങ്ക് 179: സോമാലിയ (സ്‌കോര്‍: 9)
റാങ്ക് 178: വെനസ്വേല (സ്‌കോര്‍: 10)
റാങ്ക് 177: സിറിയ (സ്‌കോര്‍: 12)
റാങ്ക് 173: യമന്‍ (സ്‌കോര്‍: 13)
റാങ്ക് 173: ലിബിയ (സ്‌കോര്‍: 13)
റാങ്ക് 173: ഇക്വറ്റോറിയല്‍ ഗിനിയ (സ്‌കോര്‍: 13)
റാങ്ക് 172: നിക്കരാഗ്വ (സ്‌കോര്‍: 14)
റാങ്ക് 170: സുഡാന് (സ്‌കോര്‍: 15)
