ജെസി ആന്റണി
പ്രശസ്ത ഇസ്രായേലി ചരിത്രകാരനും ചരിത്ര അധ്യാപകനുമായ യുവാല്‍ നോഹ ഹരാരി (Yuval Noah Harari ) എഴുതിയ “സാപിയൻസ് : മനുഷ്യരാശിയുടെ ഒരു ഹൃസ്വ ചരിത്രം” (Sapiens : A Brief History of Humankind) ഇന്ന് വളരേയേറെ ശ്രെദ്ധിക്കപ്പെടുകയും ചർച്ച ചെയ്യപ്പെടുകയും ചെയ്ത ഒരു പുസ്തകമാണ്. ദശലക്ഷക്കണക്കിന് വർഷങ്ങളായി മനുഷ്യൻ എങ്ങനെ പരിണമിച്ചു എന്നതിന്റെ ഒരു സംക്ഷിപ്തമായ ചരിത്ര വിവരണമാണ് ഹരാരി ഇതിലൂടെ മുന്നോട്ട് വെക്കുന്നത്.
ഇന്നത്തെ നമ്മുടെ ജീവിതരീതി ഒരു പരിധിവരെ നമ്മുടെ പൂർവ്വികർ എങ്ങനെ ജീവിച്ചു, ചരിത്രത്തിലൂടെ പരിണമിച്ചു എന്നതിനെ ആശ്രയിച്ചിരിക്കുന്നു.
അദ്ദേഹത്തിന്റെ പുസ്തകത്തിലെ ചില പ്രധാന വിവരങ്ങൾ താഴെ കൊടുക്കുന്നു.
മനുഷ്യ ചരിത്രം ആരംഭിച്ചത് 2.5 ദശലക്ഷം വർഷങ്ങൾക്ക് മുമ്പാണെന്നാണ് യുവാൽ തന്റെ പുസ്തകത്തിലൂടെ പറയുന്നത്. ആദ്യകാലത്ത് മനുഷ്യർക്ക് മറ്റ് മൃഗങ്ങളെക്കാൾ പ്രത്യേകതയൊന്നും തന്നെ ഉണ്ടായിരുന്നില്ല. ചില മനുഷ്യ വർഗ്ഗങ്ങൾ 8 ലക്ഷം വർഷങ്ങൾക്ക് മുമ്പ് തന്നെ ഇടയ്ക്കിടെ തീ ഉപയോഗിച്ചിട്ടുണ്ടാകാം. എന്നാൽ ഏകദേശം 3 ലക്ഷം വർഷങ്ങൾക്ക് മുമ്പ്, ഏതാനും മനുഷ്യ വർഗ്ഗങ്ങൾ ദിവസേന തീ ഉപയോഗിച്ചിരുന്നു. ആ സമയം മുതൽ, തീ മനുഷ്യർക്ക് വെളിച്ചത്തിന്റെയും ഊഷ്മളതയുടെയും ആശ്രയയോഗ്യമായ ഉറവിടവും വന്യമൃഗങ്ങൾക്കെതിരായ ഒരു ആയുധവും ആയിരുന്നു.
എന്നാൽ തീ ഉപയോഗിച്ച് പാചകം ചെയ്തതാണ് ഏറ്റവും പ്രധാനപ്പെട്ട കാര്യം. മനുഷ്യർക്ക് അവയുടെ സ്വാഭാവിക രൂപത്തിൽ ദഹിപ്പിക്കാൻ കഴിയാത്ത ഭക്ഷണങ്ങൾ നമ്മുടെ ഭക്ഷണത്തിന്റെ പ്രധാന ഘടകമായി മാറി. ഇത് മനുഷ്യരുടെ ഭക്ഷണ സമയം ഗണ്യമായി കുറച്ചു. ചിമ്പാൻസികൾ ദിവസവും അഞ്ച് മണിക്കൂർ അസംസ്കൃത ഭക്ഷണം ചവയ്ക്കുന്നെങ്കിൽ, പാകം ചെയ്ത ഭക്ഷണം കഴിക്കുന്ന ആളുകൾക്ക് ഒരു മണിക്കൂർ മതിയാകും.
നമ്മുടെ പൂർവ്വികർ അസ്ഥികളിൽ നിന്നും മജ്ജ എടുക്കാൻ വേണ്ടി അസ്ഥികൾ പൊട്ടിക്കാൻ കല്ലുകൾ ഉപയോഗിച്ച് ഉപകരണങ്ങൾ സൃഷ്ടിച്ചു. മരം കൊത്തികൾ മരങ്ങളുടെ തടിയിൽ നിന്ന് പ്രാണികളെ വേർതിരിച്ചെടുക്കുന്നതിൽ വൈദഗ്ദ്ധ്യം നേടിയതുപോലെ, ആദ്യ മനുഷ്യർ അസ്ഥികളിൽ നിന്ന് മജ്ജ വേർതിരിച്ചെടുക്കുന്നതിൽ വൈദഗ്ദ്ധ്യം നേടിയിരുന്നു.
തുടക്കത്തിൽ, ഹോമോ സാപ്പിയൻസ് നമ്മളെപ്പോലെയായിരുന്നു, എന്നാൽ അവരുടെ വൈജ്ഞാനിക കഴിവുകൾ – പഠനം, ഓർമ്മിക്കുക, ആശയവിനിമയം – വളരെ പരിമിതമായിരുന്നു. 70,000-നും 30,000-ത്തിനും വർഷങ്ങൾക്കിടയിൽ പുതിയ ചിന്തകളുടെയും ആശയ വിനിമയത്തിന്റെയും വഴികളുടെ രൂപം വൈജ്ഞാനിക വിപ്ലവം രൂപപ്പെടുത്തുന്നു. ഈ വിപ്ലവത്തിന് കാരണമായത് എന്താണെന്ന് ശാസ്ത്രജ്ഞർക്ക് ഉറപ്പില്ല, എന്നാൽ ഭൂരിഭാഗം വിശ്വസിക്കപ്പെടുന്ന സിദ്ധാന്തങ്ങളും വാദിക്കുന്നത് ആകസ്മികമായ ജനിതക പരിവർത്തനങ്ങൾ സാപിയൻസ് തലച്ചോറിന്റെ ആന്തരികത മാറ്റി, ഇത് അഭൂതപൂർവമായ രീതിയിൽ ചിന്തിക്കാനും മൊത്തത്തിൽ പുതിയ തരം ഭാഷകൾ ഉപയോഗിച്ച് ആശയവിനിമയം നടത്താനും അവരെ പ്രാപ്തരാക്കുന്നു.
സമത്വത്തെയും അസമത്വത്തെയും കുറിച്ചുള്ള ചോദ്യങ്ങൾ നമുക്ക് പലപ്പോഴും ഉണ്ടാകാറുണ്ട്. കാലക്രമേണ നമ്മൾ എങ്ങനെ പരിണമിച്ചു, മുൻകാലങ്ങളിൽ എങ്ങനെ പെരുമാറി എന്നതിനെക്കുറിച്ചുള്ള എല്ലാത്തിന്റെയും വേരുകളിലേക്ക് ഈ പുസ്തകം നമ്മെ കൊണ്ടുപോകുന്നു. ഇത് വായിക്കുന്നത്, ചില കാര്യങ്ങൾ എന്തുകൊണ്ടാണ് അങ്ങനെയുള്ളത് എന്നതിനെക്കുറിച്ചുള്ള നമ്മുടെ കാഴ്ചപ്പാട് തീർച്ചയായും വിശാലമാക്കും. എന്തെങ്കിലും മാറ്റേണ്ട ആവശ്യമില്ല എന്നല്ല, വിശാലമായ വീക്ഷണം ഉണ്ടെങ്കിൽ, ആരെങ്കിലും അത്‌ പരിഹരിക്കുന്നതിനോ, ശരിയോ തെറ്റോ എന്ന് അടയാളപ്പെടുത്തുന്നതിനു മുമ്പോ അതിന്റെ വേരുകൾ മനസ്സിലാക്കാൻ സഹായിക്കും.
ഈ പുസ്തകത്തിൽ നിന്നുള്ള രസകരമായ ചില വസ്തുതകൾ മാത്രമാണ് ഇവിടെ പ്രതിപാദിക്കുന്നത്. നമ്മുടെ ശ്രദ്ധ പിടിച്ചുപറ്റാൻ കഴിയുന്ന മറ്റ് നിരവധി വിഷയങ്ങളുണ്ട്. സാങ്കൽപ്പിക സാമൂഹിക ക്രമം, എങ്ങനെ, എന്തുകൊണ്ട് പണം സൃഷ്ടിക്കപ്പെട്ടു, എങ്ങനെ, എന്തുകൊണ്ട് ദൈവം, രാഷ്ട്രങ്ങൾ, മതങ്ങൾ, ഘടികാരങ്ങൾ, സാമ്രാജ്യങ്ങൾ എന്നിവ സൃഷ്ടിക്കപ്പെട്ടു എന്നതിനെ കുറിച്ച് രചയിതാവ് ഈ പുസ്തകത്തിലൂടെ സംസാരിക്കുന്നു.
100,000 വർഷമായി സാപിയൻസ് ജീവശാസ്ത്രപരമായി പരിണമിച്ചിട്ടില്ലെങ്കിലും, കൂട്ടായി സങ്കൽപ്പിക്കാനുള്ള നമ്മുടെ കഴിവിനാൽ നയിക്കപ്പെടുന്ന സാമൂഹിക ക്രമത്തിൽ സമൂലമായ പരിണാമങ്ങൾ നടന്നിട്ടുണ്ട്. ചരിത്രം ആകമാനം മനുഷ്യരാശിയുടെ ആഗോള ഐക്യത്തിന്റെയും പുരോഗതിയുടെയും ദിശയിലേക്കാണ് നീങ്ങുന്നത്.
ഹരാരി, വസ്തുതകളും കണക്കുകളും മുന്നോട്ട് വെച്ച് എങ്ങനെ, എന്തുകൊണ്ട് സാപ്പിയൻസ് ഭൂമിയിലെ പ്രബലമായ ജീവിവർഗമായി മാറിയെന്നും കാര്യങ്ങൾ വൻതോതിൽ നടപ്പിലാക്കാനുള്ള കഴിവുകൾ മനുഷ്യൻ എങ്ങനെ വികസിപ്പിച്ചെടുത്തുവെന്നും ഈ പുസ്തകത്തിലൂടെ വിവരിച്ചിരിക്കുന്നു.
മനുഷ്യചരിത്രം ഒരിക്കലും പഠിച്ചിട്ടില്ലെങ്കിലും കൂടുതൽ നന്നായി മനസ്സിലാക്കാൻ ആഗ്രഹിക്കുന്നവർക്ക് ഈ പുസ്തകം കൗതുകകരവും രസകരവും വിജ്ഞാനപ്രദവും ആയിരിക്കും. ഇതിലൂടെ വ്യത്യസ്തമായ ഒരു കാഴ്ചപ്പാട് സൃഷ്ടിക്കുകയും, തങ്ങളുടെ ലോകവീക്ഷണം തന്നെ മാറ്റി സാമൂഹികമായ ഒരു മാറ്റത്തിനു വഴി തെളിക്കുക്കുവാനും സഹയിക്കും.
