എന്താണ് അഡിനോയ്ഡൈറ്റിസ് (Adenoiditis)?
മൂക്കിനു പിന്നിലും തൊണ്ടയ്ക്ക് മുകളിലും ഉള്ള ടിഷ്യു ആയ അഡിനോയിഡുകൾക്ക് (adenoids) വീക്കം സംഭവിക്കുമ്പോഴാണ് സാധാരണയായി അഡിനോയ്ഡൈറ്റിസ് എന്ന രോഗം ഉണ്ടാകുന്നത്. കുട്ടികളിൽ സാധാരണയായി കണ്ടുവരുന്ന ഒരു രോഗമാണിത്. കൂർക്കംവലി, വായിലൂടെയുള്ള ശ്വസനം, ചെവിയിലെ അണുബാധ, കേൾവിക്കുറവ്, ശ്വസിക്കാനുള്ള ബുദ്ധിമുട്ട്, ചുണ്ടുകളിലെ വിണ്ടുകീറൽ, മൂക്കൊലിപ്പ്, വായ്നാറ്റം തുടങ്ങിയ പ്രശ്നങ്ങൾക്കും ഈ രോഗം കാരണമാകുന്നു.
താഴെ പറയുന്ന ശീലങ്ങളോ അസുഖങ്ങളോ ഉള്ള കുട്ടികളിൽ അഡിനോയ്ഡൈറ്റിസ് ഉണ്ടാകാനുള്ള സാധ്യത കൂടുതലാണ്
1. ബോട്ടിൽ ഫീഡിങ്ങ്
2. കിടന്നുകൊണ്ട് മുലപ്പാൽ കുടിക്കുന്നത്
3. മൂക്കിലോ തൊണ്ടയിലോ ഉണ്ടാകുന്ന അണുബാധ
4. ഏതെങ്കിലും തരത്തിലുള്ള അലർജി
താഴെ പറയുന്ന ശീലങ്ങളോ അസുഖങ്ങളോ ഉള്ള കുട്ടികളിൽ അഡിനോയ്ഡൈറ്റിസ് ഉണ്ടാകാനുള്ള സാധ്യത കൂടുതലാണ്
1. ബോട്ടിൽ ഫീഡിങ്ങ്
2. കിടന്നുകൊണ്ട് മുലപ്പാൽ കുടിക്കുന്നത്
3. മൂക്കിലോ തൊണ്ടയിലോ ഉണ്ടാകുന്ന അണുബാധ
4. ഏതെങ്കിലും തരത്തിലുള്ള അലർജി
5. വരണ്ട വായ
6. ചെവി വേദനയും അണുബാധയും
7. കഴുത്തിലെ ഗ്രന്ഥികളിൽ ഉണ്ടാകുന്ന വീക്കം
അഡിനോയ്ഡൈറ്റിസ് എങ്ങനെയാണ് നിർണയിക്കുന്നത്?
അഡിനോയ്ഡൈറ്റിസ് നിർണയിക്കാനായി സാധാരണയായി ഡോക്ടർമ‍ാർ കുട്ടികളുടെ മൂക്ക്, ചെവി, വായ, തൊണ്ട എന്നിവ പരിശോധിക്കും. രോഗലക്ഷണങ്ങൾ കൂടുതൽ വഷളായാൽ, അഡിനോയിഡിന് ഉണ്ടായ വീക്കവും ശ്വാസനാളത്തിന്റെ അവസ്ഥയും തിരിച്ചറിയാൻ ഒരു എക്സ്-റേയ് എടുക്കാനും ഡോക്ടർ നിർദേശിച്ചേക്കാം.
അഡിനോയ്ഡൈറ്റിസിന്റെ അനന്തര ഫലങ്ങൾ എന്തൊക്കെയാണ്?
1. മൂക്കൊലിപ്പ്
2. ചെവിയിൽ ആവർത്തിച്ചുണ്ടാകുന്ന അണുബാധ,
3. കേൾവി ശക്തി കുറയുന്നു
4. വായ വരളുന്നത്
5. ദന്തക്ഷയം
6. മൂക്കടഞ്ഞുള്ള സംസാരം
അഡിനോയ്ഡൈറ്റിസിനുള്ള ചികിത്സ
സാധാരണയായി കുട്ടികൾക്ക് എട്ടു വയസ് ആകുമ്പോഴേക്കും അഡിനോയിഡുകൾ ചുരുങ്ങും. എന്നാൽ ശുചിത്വം പാലിക്കുന്നതിലൂടെ ആവർത്തിച്ചുള്ള അണുബാധ തടയാം. നേരിയ ലക്ഷണങ്ങൾ കാണിക്കുന്ന കുട്ടികളിൽ സപ്പോർട്ടീവ് ചികിത്സ മാത്രമേ ആവശ്യമുള്ളൂ. എന്നാൽ എന്തെങ്കിലും ബാക്ടീരിയൽ അണുബാധയുണ്ടോ എന്ന് സംശയം ഉണ്ടെങ്കിൽ കുട്ടിക്ക് ആൻറിബയോട്ടിക്കുകൾ നൽകി ചികിത്സിക്കുകയും തുടർന്ന് അഡിനോയിഡുകളുടെ വലുപ്പം കുറയ്ക്കുന്നതിന് നേസൽ സ്പ്രേകൾ ഉപയോഗിക്കുകയും ചെയ്യും. മരുന്നുകൾ കഴിക്കുന്നത് രോഗലക്ഷണങ്ങൾക്ക് ആശ്വാസം നൽകുന്നില്ലെങ്കിൽ അഡിനോയിഡുകൾ നീക്കം ചെയ്യുന്നതിനായി അഡിനോയ്ഡക്ടമി എന്ന ശസ്ത്രക്രിയ നടത്തേണ്ടതുണ്ട്.
