കാഞ്ഞങ്ങാട്: സിപിഎം ആക്രമണത്തിൽ കെ കൊല്ലപ്പെട്ട- ശരത് ലാൽ – കൃപേഷ് രക്തസാക്ഷികൾക്ക് സ്മാരകം പണിയാൻ കർണാടക കോൺഗ്രസ് 25 ലക്ഷം നൽകുമെന്നു കർണാടക ഉപ മുഖ്യമന്ത്രിയും പിസിസി പ്രസിഡന്റുമായ ഡി.കെ ശിവകുമാർ . കൃപേഷ് – ശരത് ലാൽ രക്ത സാക്ഷി ദിനത്തിൽ പ്രസംഗിക്കുകയായിരുന്നു ശിവകുമാർ .
കേരളത്തിലെ ജനങ്ങൾക്ക് എൽഡിഎഫ് ഭരണം മടുത്തുവെന്നും യുഡിഎഫ് അധികാരത്തിൽ തിരിച്ച് വരുമെന്നും കോൺഗ്രസ്സ് നേതൃത്വം നൽകുന്ന സർക്കാർ അക്രമികളുടെയും ഗുണ്ടകളുടെയും സർക്കാരാവില്ലെന്നും ഡികെ ശിവകുമാർ പറഞ്ഞു.
അതേസമയം, സിപിഎം അക്രമ രാഷ്ട്രീയത്തെ വിമർശിച്ച് കൊണ്ടുള്ള ഫേസ്ബുക്ക് പോസ്റ്റില്‍ ശശി തരൂർ എംപി മാറ്റം വരുത്തി. പെരിയയിൽ കൊല്ലപ്പെട്ട ശരത് ലാലിനും കൃപേഷിനും പ്രണാമം അർപ്പിച്ച് എഫ്ബി പോസ്റ്റിലെ നരഭോജി പ്രയോഗമാണ് തരൂർ മുക്കിയത്. സിപിഎം നരഭോജികൾ കൊലപ്പെടുത്തിയ കൂടപ്പിറപ്പുകൾ എന്നായിരുന്നു പോസ്റ്റ്. കഴിഞ്ഞ ദിവസം പുറത്തുവന്ന ലേഖനത്തിലെ വ്യവസായ സൗഹൃദ കേരള നിരീക്ഷണവും മോദിയുടെ അമേരിക്കന്‍ സന്ദര്‍ശനത്തെ പുകഴ്ത്തിയുള്ള പ്രസ്താവനയും ഏറെ വിവാദമായ സാഹചര്യത്തിൽ ശരി തരൂരിന്‍റെ പുതിയ പോസ്റ്റ് ഏറെ ശ്രദ്ധ നേടിയിരുന്നു
