കെയ്‌റോ: ഈജിപ്തിലെ ചെങ്കടൽ തീരത്തുള്ള ഹുർഗദയിൽ വിനോദ സഞ്ചാര മുങ്ങിക്കപ്പലിന് അപകടം. ആറ് വിനോദസഞ്ചാരികൾ മരിച്ചു. മരിച്ച വിനോദസഞ്ചാരികളെല്ലാം റഷ്യ ക്കാരാണ്. ഈജിപ്ഷ്യൻ തലസ്ഥാനമായ കെയ്‌റോയിൽ നിന്ന് ഏകദേശം 460 കിലോമീറ്റർ അകലെ ഹുർഗദയിലാണ് അപകടമുണ്ടായിരിക്കുന്നത്. തിരക്കേറിയ വിനോദസഞ്ചാര നഗരമായ ഹുർഗദ ഈജിപ്തിലേക്കു വരുന്ന സന്ദർശകരുടെ ഒരു പ്രധാന കേന്ദ്രമാണ്.
45 വിദേശ വിനോദസഞ്ചാരികളും അഞ്ച് ഈജിപ്ഷ്യൻ ജീവനക്കാരുമാണ് അന്തർവാഹിനിയിൽ ഉണ്ടായിരുന്നതെന്ന് മേജർ ജനറൽ അമർ ഹനഫി പ്രസ്താവനയിൽ പറഞ്ഞു, മരിച്ചവരിൽ ആറ് പേരും റഷ്യക്കാരാണെന്നും രക്ഷപ്പെട്ട 39 വിനോദസഞ്ചാരികളിൽ 29 പേർക്ക് പരിക്കേറ്റുവെന്നും ഇവരെ ആശുപത്രികളിലേക്ക് കൊണ്ടുപോയെന്നും അദ്ദേഹം പറഞ്ഞു. മുങ്ങിയ കപ്പലിലെ വിനോദസഞ്ചാരികൾ റഷ്യൻ പൗരന്മാരാണെന്ന് ഹുർഗഡയിലെ റഷ്യൻ കോൺസുലേറ്റ് പറഞ്ഞു, എന്നാൽ സംഘത്തിൽ ഇന്ത്യ, നോർവേ, സ്വീഡൻ പൗരന്മാരും ഉൾപ്പെട്ടിട്ടുണ്ടെന്ന് ഹനഫി പറഞ്ഞു.
ഈജിപ്ഷ്യൻ തലസ്ഥാനമായ കെയ്‌റോയിൽ നിന്ന് ഏകദേശം 285 മൈൽ തെക്കുകിഴക്കായി സ്ഥിതി ചെയ്യുന്ന ഹുർഘഡ, ചെങ്കടലിലെ പവിഴപ്പുറ്റുകളാൽ ആകർഷിക്കപ്പെടുന്ന മുങ്ങൽ വിദഗ്ധർ, സ്നോർക്കലർമാർ, മറ്റ് വിനോദസഞ്ചാരികൾ എന്നിവരുടെ ഒരു പ്രധാന ലക്ഷ്യസ്ഥാനമാണ്.
സിന്ദ്ബാദ്” എന്ന് അന്തർവാഹിനിയാണ് അപകടത്തിൽ പെട്ടത്. വെള്ളത്തിനടിയിൽ ഏകദേശം 40 മിനിറ്റ് നീണ്ടുനിൽക്കുന്ന സഞ്ചാരമാണ് ഒരുക്കുന്നത്. ഏകദേശം 20 മുതൽ 25 മീറ്റർ താഴെ വരെ അന്തർ വാഹിനി സഞ്ചരിച്ചാണ് വിനോദ സഞ്ചാരികളെ ആകർഷിക്കുന്നത്
