ന്യൂഡല്ഹി: കേന്ദ്ര സര്ക്കാരിനെതിരെ പാര്ലമെന്റില് അവിശ്വാസ പ്രമേയം അവതരിപ്പിക്കാന് 26 പാര്ട്ടികളുടെ മെഗാ പ്രതിപക്ഷ സഖ്യം ‘I.N.D.I.A’ ഒരുങ്ങുന്നതായി റിപ്പോര്ട്ട്.
വര്ഗീയ കലാപത്തില് സംഘര്ഷം തുടരുന്ന മണിപ്പൂരിലെ സ്ഥിതിഗതികളില് പ്രധാനമന്ത്രി പാര്ലമെന്റില് വിശദീകരണം നല്കണമെന്ന പ്രതിപക്ഷത്തിന്റെ ആവശ്യം അംഗീകരിക്കാതായതോടെയാണ് നീക്കം. അതേസമയം പ്രതിപക്ഷ പ്രതിഷേധം തുടരുന്നതിനാല് ലോക്സഭ 2 മണി വരെ പിരിഞ്ഞു.
2003 ന് ശേഷമുള്ള പാര്ലമെന്റിലെ ആദ്യ അവിശ്വാസ പ്രമേയമാണ് ഇത്. ലോക്സഭയില് സര്ക്കാരിനെതിരെ അവിശ്വാസ പ്രമേയം കൊണ്ടുവരാനും ചര്ച്ചയ്ക്കിടെ മണിപ്പൂര് വിഷയം ഉന്നയിക്കാനുമാണ് പ്രതിപക്ഷ സഖ്യമായ ‘I.N.D.I.A’യുടെ തീരുമാനം. ഇന്ത്യന് നാഷണല് ഡെവലപ്മെന്റല് ഇന്ക്ലൂസീവ് അലയന്സിന്റെ (ഇന്ത്യ) ഭാഗമായ പാര്ട്ടികളുടെ യോഗത്തിലാണ് ഈ നിര്ദ്ദേശം ചര്ച്ച ചെയ്തത്. രാജ്യസഭാ പ്രതിപക്ഷ നേതാവ് മല്ലികാര്ജുന് ഖാര്ഗെയുടെ ഓഫീസില് ചേര്ന്ന യോഗത്തിലാണ് നിര്ണായക തീരുമാനം ഉണ്ടായിരിക്കുന്നത്.