സോൾ: ഉത്തര കൊറിയയുടെ ആക്രമണം തടയാൻ സംയുക്ത ആണവ പ്രതിരോധ മാർഗനിർദേശ രേഖയിൽ ഒപ്പുവെച്ച് യു.എസും ദക്ഷിണ കൊറിയയും. വാഷിങ്ടണിൽ നാറ്റോ ഉച്ചകോടിക്കിടെ യു.എസ് പ്രസിഡന്റ് ജോ ബൈഡനും ദക്ഷിണ കൊറിയ പ്രസിഡന്റ് യൂൻ സുക് യോലും നടത്തിയ കൂടിക്കാഴ്ചയിലാണ് മാർഗനിർദേശരേഖ അംഗീകരിച്ചത്.
ഇരു രാജ്യങ്ങളുടെയും പ്രതിരോധ വിഭാഗം തലവന്മാർ രേഖയിൽ ഒപ്പുവെച്ചു. ഉത്തര കൊറിയയുടെ ഭീഷണി ശക്തമായതോടെ ആണവായുധം പങ്കുവെക്കുന്നതിന് കഴിഞ്ഞ വർഷം യു.എസും ദക്ഷിണ കൊറിയയും തമ്മിൽ സംയുക്ത ആണവ കൺസൾട്ടേറ്റിവ് സഖ്യം തുടങ്ങിയിരുന്നു.