ചൂരല്മല: വയനാട്ടിലെ ദുരന്തബാധിത മേഖലയും പരുക്കേറ്റ കുട്ടിയുമൊത്തുള്ള ചിത്രം തരംഗമായി. ദുരന്തമുഖത്തുള്ള അവരെ കണ്ടപ്പോള് ഹൃദയം തേങ്ങിയതായി പ്രധാനമന്ത്രി പറഞ്ഞതായി കേന്ദ്രമന്ത്രി സുരേഷ് ഗോപി പറഞ്ഞു. വയനാടിനായി എല്ലാവിധ പിന്തുണയും നല്കുമെന്ന് ഉറപ്പ് നല്കിയ ശേഷമാണ് പ്രധാനമന്ത്രി മടങ്ങിയതെന്നും സുരേഷ് ഗോപി വിവരിച്ചു.
ആഘാതത്തിന്റെ കണക്കെടുപ്പ് നിലവില് പൂര്ത്തിയായിട്ടില്ല. വിശദമായ റിപ്പോര്ട്ടുകള് ലഭിച്ച ശേഷം അക്കാര്യങ്ങളില് നടപടി സ്വീകരിക്കുമെന്നും സുരേഷ് ഗോപി മാധ്യമങ്ങളോട് പറഞ്ഞു.
കുട്ടികള്ക്കായുള്ള പാക്കേജ്, മനോനില വീണ്ടെടുക്കാന് കൗണ്സിലിംഗ് ഉള്പ്പെടെ 10 കാര്യങ്ങള് ചര്ച്ച ചെയ്തുവെന്ന് സുരേഷ് ഗോപി പറഞ്ഞു. ഇതിലെല്ലാം സമഗ്രമായ ഇടപെടല് വേണം. പുനരധിവാസത്തിന് പ്രാധാന്യം നല്കണം. വേഗതയല്ല കൃത്യതയാണ് എല്ലാക്കാര്യത്തിലും ഉറപ്പാക്കുക. വേണ്ടതെല്ലാം ചെയ്യുമെന്ന് പ്രധാനമന്ത്രി പറഞ്ഞിട്ടുണ്ട്. മുമ്പെങ്ങുമില്ലാത്ത വിധത്തില് തന്നെ സവിശേഷമായി വയനാട് വിഷയം പരിഗണിക്കപ്പെടുമെന്നും കേന്ദ്രമന്ത്രി ഉറപ്പുനല്കി.