കാല്‍ഗറി: മില്‍ട്ടണ്‍ ചുഴലിക്കാറ്റ് ഫ്‌ലോറിഡയിലേക്ക് നീങ്ങുന്നതിനാല്‍ വെസ്റ്റ്ജെറ്റ് എയര്‍ലൈന്‍ നിരവധി വിമാനങ്ങള്‍ റദ്ദാക്കി. രണ്ട് കാല്‍ഗറി വിമാനസര്‍വീസുകള്‍ ഉള്‍പ്പെടെയാണ് റദ്ദാക്കിയത്.
കാന്‍കൂണ്‍, ഫോര്‍ട്ട് ലോഡര്‍ഡെയ്ല്‍, ഒര്‍ലാന്‍ഡോ, ഫോര്‍ട്ട് മിയേഴ്‌സ്, ടാമ്പ, നസ്സാവു എന്നിവിടങ്ങളിലേക്കുള്ള വിമാനങ്ങളും റദ്ദാക്കിയിട്ടുണ്ട്. മില്‍ട്ടണ്‍ കാറ്റഗറി 3 കൊടുങ്കാറ്റായി ബുധനാഴ്ച ഫ്‌ലോറിഡയുടെ പടിഞ്ഞാറന്‍ തീരത്ത് ആഞ്ഞടിക്കുമെന്നാണ് റിപ്പോര്‍ട്ട്. കാറ്റിന്റെ വേഗത മണിക്കൂറില്‍ 180-210 കിലോമീറ്ററായിരിക്കും.
ചൊവ്വാഴ്ച കാല്‍ഗറിക്കും കാന്‍കൂണിനും ഇടയിലുള്ള രണ്ട് വിമാനസര്‍വീസുകളും എയര്‍ലൈന്‍ താല്‍ക്കാലികമായി റദ്ദാക്കിയിട്ടുണ്ട്. കാന്‍കൂണിനും ടൊറന്റോയ്ക്കും ഇടയിലുള്ള മറ്റ് രണ്ട് വിമാനസര്‍വീസുകളും ചൊവ്വാഴ്ച റദ്ദാക്കി. ബുധന്‍, വ്യാഴം ദിവസങ്ങളിലെയും ഒന്നിലധികം വിമാനസര്‍വീസുകള്‍ റദ്ദാക്കിയിട്ടുണ്ട്.
