ലണ്ടന്: ബ്രിട്ടനിലെ പൊതുതെരഞ്ഞെടുപ്പില് മുന് ഉപപ്രധാനമന്ത്രിയെ പരാജയപ്പെടുത്തി മലയാളി. . ലേബര് പാര്ട്ടി സ്ഥാനാര്ത്ഥിയായി ആഷ്ഫോര്ഡ് മണ്ഡലത്തില് മത്സരിച്ച മലയാളി സോജന് ജോസഫിനാണഅ ഈ മിന്നും ജയം. ബ്രിട്ടീഷ് മുന് ഉപപ്രധാനമന്ത്രിയും കണ്സര്വേറ്റീവ് പാര്ട്ടി സ്ഥാനാര്ഥിയുമായ ഡാമിയന് ഗ്രീനിനെയാണ് സോജന് ജോസഫ് പരാജയപ്പെടുത്തിയത്.
49 കാരനായ സോജന് ജോസഫ് കോട്ടയം കൈപ്പുഴ സ്വദേശിയാണ്. നഴ്സായി ജോലി ചെയ്യുന്നതിനിടെ രാഷ്ട്രീയത്തിലും സജീവമാകുകയായിരുന്നു. 139 വര്ഷം മുമ്പ് ആഷ്ഫോര്ഡ് മണ്ഡലം രൂപീകരിച്ചശേഷം ഇതാദ്യമായിട്ടാണ് ലേബര് പാര്ട്ടി സ്ഥാനാര്ത്ഥി വിജയിക്കുന്നത്.
2001 ലാണ് സോജന് ഡോസഫ്, ജോലിക്കായി ബ്രിട്ടനിലെത്തുന്നത്. വില്യം ഹാര്വെ ഹോസ്പിറ്റലില് മാനസികാരോഗ്യ വിഭാഗത്തില്, മെന്റല് ഹെല്ത്ത് നഴ്സ് ആയിട്ടാണ് ജോലിയില് പ്രവേശിക്കുന്നത്. തുടര്ന്ന് ആഷ്ഫോര്ഡിലേക്ക് മാറി. 2015 ലാണ് സോജന് ജോസഫ് ലേബര് പാര്ട്ടിയില് അംഗത്വമെടുക്കുന്നത്.