ന്യൂഡല്ഹി: രാഹുല് ഗാന്ധി നയിക്കുന്ന ഭാരത് ജോഡോ യാത്ര താല്കാലികമായി നിര്ത്തിവെച്ചു. മതിയായ സുരക്ഷ ഉറപ്പാക്കാത്തതിനാലാണ് തീരുമാനം.
ജമ്മുവിലെ പര്യടനത്തിനിടെ ബനിഹാലില് വെച്ച് ജനക്കൂട്ടം യാത്രയില് ഇരച്ചുകയറിയത് വലിയ സുരക്ഷാപാളിച്ചയാണെന്ന് കോണ്ഗ്രസ് വിമര്ശിച്ചു. പൊലീസ് നിഷ്ക്രിയമാണെന്നാണ് കോണ്ഗ്രസ് ആരോപിക്കുന്നത്. സുരക്ഷ ഉറപ്പാക്കിയ ശേഷം യാത്ര പുനരാരംഭിക്കും.
