ജമ്മു കശ്മീരിലെ ബന്ദിപ്പോര ജില്ലയിൽ സൈനിക ട്രക്ക് നിയന്ത്രണം വിട്ട് കൊക്കയിലേക്ക് മറിഞ്ഞ് 4 സൈനികർക്ക് വീരമൃത്യു. ജില്ലയിലെ സദർ കൂട്ട് പയീൻ മേഖലയ്ക്ക് സമീപം ശനിയാഴ്ച്ചയാണ് സംഭവം. അപകടത്തിൽ 3 പേർക്ക് പരിക്കേൽക്കുകയും ചെയ്തു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
അതേസമയം 2024 ഡിസംബർ 24 ന് പൂഞ്ച് ജില്ലയിൽ സൈനിക വാഹനം 350 അടി താഴ്ചയിലേക്ക് മറിഞ്ഞ് അഞ്ച് സൈനികർ മരിക്കുകയും അഞ്ച് പേർക്ക് പരിക്കേൽക്കുകയും ചെയ്തിരുന്നു. കൂടാതെ 2024 നവംബർ 4 ന് , രജൗരി ജില്ലയിൽ വാഹനം റോഡിൽ നിന്ന് തെന്നി മലയിടുക്കിലേക്ക് വീണതിനെത്തുടർന്ന് ഒരു സൈനിക ഉദ്യോഗസ്ഥൻ മരിക്കുകയും മറ്റൊരാൾക്ക് പരിക്കേൽക്കുകയും ചെയ്തു.
