കോയമ്പത്തൂര്‍: മലയാളി കോളേജ് വിദ്യാര്‍ത്ഥിനിക്ക് നേരേ ലൈംഗികാതിക്രമം നടത്തിയ കേസില്‍ 46കാരന്‍ അറസ്റ്റില്‍. തെലുങ്കുപാളയംപിരിവില്‍ ബി ആനന്ദനെയാണ് സെല്‍വപുരം പൊലീസ് അറസ്റ്റ് ചെയ്തത്. ബുധനാഴ്ച പുലര്‍ച്ചെയായിരുന്നു കേസിനാസ്പദമായ സംഭവം.നഗരത്തിലെ സ്വകാര്യകോളേജില്‍ ഫിസിയോതെറാപ്പി വിദ്യാര്‍ത്ഥിനിയായ 21കാരിയാണ് അതിക്രമത്തിനിരയായത്. പ്രതിയുടെ വീടിന് സമീപമാണ് അഞ്ച് കോളേജ് വിദ്യാത്ഥിനികള്‍ വാടകയ്ക്ക് താമസിച്ചിരുന്നത്. ഇതിനിടെ റിയല്‍ എസ്‌റ്റേറ്റ് ബിസിനസുകാരനായ ആനന്ദന്‍ നിരന്തരം പെണ്‍കുട്ടിയെ ശല്യംചെയ്തിരുന്നതായാണ് വിവരം.ചൊവ്വാഴ്ച രാത്രി വിദ്യാര്‍ത്ഥിനികള്‍ വീടിന്റെ പ്രധാനവാതില്‍ അടയ്ക്കാന്‍ മറന്നുപോയി. ബുധനാഴ്ച പുലര്‍ച്ചെ ഇത് ശ്രദ്ധയില്‍പ്പെട്ട പ്രതി വീട്ടിനുള്ളിലേക്ക് അതിക്രമിച്ചുകടന്ന് പെണ്‍കുട്ടിയെ ഉപദ്രവിക്കുകയായിരുന്നു.
കോയമ്പത്തൂരിൽ മലയാളി കോളേജ് വിദ്യാർത്ഥിനിക്ക് നേരേ ലൈംഗികാതിക്രമം; 46കാരൻ അറസ്റ്റിൽ
