ധീര ജവാന്മാരുടെ പോരാട്ടവീര്യം ഹിമാലയത്തോളം ഉയരത്തിലെത്തിയ ഐതിഹാസികമായ കാർഗിൽ യുദ്ധത്തിന്റെ വിജയസ്മരണക്ക് അരനൂറ്റാണ്ട്. ഇന്ത്യൻ പ്രദേശങ്ങൾ കൈയടക്കാൻ പാക് സൈനിക ജനറൽമാരുടെ ബുദ്ധിയിലുദിച്ച അപകടകരമായ ആശയത്തെ അടപടലം തകർത്ത് അതിർത്തിമലകൾ സുരക്ഷിതമാക്കി പാകിസ്താന് വീണ്ടുമൊരു പരാജയം സമ്മാനിക്കാൻ ഇന്ത്യൻ സേനക്ക് സാധിച്ചു.
രണ്ട് മാസം നീണ്ട ഓപറേഷൻ വിജയ് യുദ്ധത്തിനൊടുവിൽ തോൽവിയുടെ അപമാനമേറ്റ് പാക് സൈന്യം പിൻവാങ്ങിയപ്പോൾ കാർഗിൽ വിജയമെന്ന പുതിയൊരു യുദ്ധചരിത്രം കുറിക്കുകയായിരുന്നു ഇന്ത്യ. മൂന്നുമാസം നീണ്ടുനിന്ന യുദ്ധത്തിൽ 527 ഇന്ത്യൻ സൈനികർ വീരമൃത്യു വരിച്ചു.
1999ൽ മേയ് എട്ടുമുതൽ ജൂലൈ 26 വരെ കശ്മീർ കാർഗിലിലെ ടൈഗർ ഹിൽസിലും നിയന്ത്രണരേഖയിലുമായി നടന്നതാണ് ഐതിഹാസികമായ കാർഗിൽ യുദ്ധം. ഓപറേഷൻ വിജയ് എന്ന ധീരോദാത്ത ദൗത്യത്തിലൂടെ ഇന്ത്യൻ സേന പാകിസ്താൻ നുഴഞ്ഞുകയറ്റക്കാരെ തുരത്തി ടൈഗർ കുന്നുകൾ അടക്കം പിടിച്ചെടുത്തു.
