തൃശ്ശൂര്‍: വടക്കാഞ്ചേരി ലൈഫ് മിഷന്‍ പദ്ധതിക്ക് വേണ്ടി മുഖ്യമന്ത്രി പിണറായി വിജയന്‍ വിദേശ സംഭാവന നിയന്ത്രണ ചട്ടം ലംഘിച്ചെന്ന് മുന്‍ എം എല്‍ എ അനില്‍ അക്കര. ലൈഫ് മിഷന്‍ മിഷന്‍ സി ഇ ഒ യു വി ജോസ് തദ്ദേശ മന്ത്രിയുടെ പ്രൈവറ്റ് സെക്രട്ടറിക്ക് നല്‍കിയ കത്ത് അനില്‍ അക്കര പുറത്തുവിട്ടു. കേന്ദ്ര ഏജന്‍സികള്‍ക്ക് രേഖകള്‍ കൈമാറില്ലെന്നും അവരെ വിശ്വാസമില്ലെന്നും അനില്‍ അക്കര പറഞ്ഞു.
സുപ്രിം കോടതിയില്‍ ഉപഹരജി നല്‍കി രേഖകള്‍ സമര്‍പ്പിക്കും. വടക്കാഞ്ചേരി ലൈഫ് മിഷന്‍ പദ്ധതിക്കു വിദേശ സഹായം വാങ്ങാന്‍ തീരുമാനിച്ചതും പ്രവൃത്തി യൂണിടാക്കിനെ ഏല്‍പ്പിച്ചതും മുഖ്യമന്ത്രിയാണെന്നും പറഞ്ഞു. മുഖ്യമന്ത്രിയുടെ അധ്യക്ഷതയില്‍ ക്ലിഫ് ഹൗസില്‍ യോഗം ചേര്‍ന്നതിന്റെ റിപ്പോര്‍ട്ടും പ്രദര്‍ശിപ്പിച്ചു
