തിരുവനന്തപുരം: എല്ഡിഎഫിന്റെ വികസനപ്രക്രിയക്ക് തുരങ്കം വയ്ക്കുന്ന പ്രതിപക്ഷ രാഷ്ട്രീയത്തെ തുറന്നുകാണിക്കുന്ന ഫലപ്രദമായ തെരഞ്ഞടുപ്പ് പ്രചാരണമാണ് പുതുപ്പള്ളിയില് നടത്തുകയെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്.
അതിനെ നല്ലപോലെ വിചാരണ ചെയ്യുന്ന തെരഞ്ഞെടുപ്പാകും പുതുപ്പള്ളിയിലേത്. രാഷ്ട്രീയമാണ് കാര്യം, സഹതാപമല്ല. തെരഞ്ഞെടുപ്പില് തങ്ങള്ക്ക് വേവലാതിയുമില്ലെന്ന് സിപിഎം സംസ്ഥാന സെക്രട്ടറി വ്യക്തമാക്കി.
പുതുപ്പള്ളി രാഷ്ട്രീയമായി എല്ഡിഎഫിന് അനുകൂലമായ മണ്ഡലമാണെന്ന് മന്ത്രി വിഎന് വാസവന് വ്യക്തമാക്കി. എട്ട് പഞ്ചായത്തില് ആറ് പഞ്ചായത്തും എല്ഡിഎഫിനൊപ്പമാണ്. വലിയ രാഷ്ട്രീയ അടിത്തറ ഉണ്ട്. ഇന്ദിരാഗാന്ധി കൊല്ലപ്പെട്ടതിന് പിന്നാലെ നടന്ന തിരഞ്ഞടുപ്പില് സഹതാപതരംഗം ഉണ്ടാകുമെന്ന് കോണ്ഗ്രസ് പറഞ്ഞപ്പോള് കോട്ടയം എല്ഡിഎഫിനൊപ്പമായിരുന്നെന്ന് ഓര്ക്കണമെന്ന് വാസവന് പറഞ്ഞു.