തിരുവനന്തപുരം: 2025 ഓടെ നമ്മുടെ സംസ്ഥാനത്തെ പൂര്ണ്ണമായും അതിദാരിദ്ര്യ മുക്തമാക്കാൻ സാധിക്കുമെന്ന് മുഖ്യമന്ത്രി പിണറായി വിജയൻ.
അതിദാരിദ്ര്യ ബാധിതരായി കണ്ടെത്തിയ കുടുംബങ്ങളിലെ 93 ശതമാനത്തേയും 2024ല് നവംബര് ഒന്നോടെ അതിദാരിദ്ര്യമുക്തരാക്കാന് കഴിയുമെന്നും അതിയായ ദാരിദ്ര്യമനുഭവിക്കുന്നവര് ഇല്ലാത്ത നാടായി നമ്മുടെ സംസ്ഥാനത്തെ മാറ്റാനുള്ള നടപടിയാണ് സ്വീകരിച്ചുവരുന്നതെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
സര്ക്കാര് നടത്തിയ സര്വ്വേയില് കണ്ടെത്തിയ 64,000 ത്തോളം കുടുംബങ്ങളെ അതിദാരിദ്ര്യത്തില് നിന്നും മോചിപ്പിക്കുവാന് എടുത്ത നടപടികള് യോഗം പ്രഥമ പരിഗണന നല്കി പരിശോധിച്ചു. വ്യക്തമായ മൈക്രോ പ്ലാന് തയ്യാറാക്കി നടപ്പിലാക്കുന്നതിന് തദ്ദേശ സ്വയം ഭരണ വകുപ്പിന് നിര്ദേശങ്ങള് നല്കി. ‘അവകാശം അതിവേഗം’ പദ്ധതിയിലൂടെ വ്യക്തികള്ക്ക് തിരിച്ചറിയല് കാര്ഡ് നല്കുന്ന പ്രക്രിയ കാര്യക്ഷമമാക്കുന്നതിന് ഇതിന്റെ ഭാഗമായി തീരുമാനമെടുത്തിട്ടുണ്ട്.
2025 ഓടെ നമ്മുടെ സംസ്ഥാനത്തെ പൂര്ണ്ണമായും അതിദാരിദ്ര്യ മുക്തമാക്കാൻ സാധിക്കുമെന്നാണ് കണ്ടത്. അതിദാരിദ്ര്യ ബാധിതരായി കണ്ടെത്തിയ കുടുംബങ്ങളിലെ 93 ശതമാനത്തേയും 2024ല് നവംബര് ഒന്നോടെ അതിദാരിദ്ര്യമുക്തരാക്കാന് കഴിയും.മുഖ്യമന്ത്രി വ്യക്തമാക്കി.