കുസാറ്റിന്റെ നൊമ്പരമായി വിദ്യാർത്ഥികൾ; നാടിന്റെ അന്ത്യാഞ്ജലി.

സംഭവത്തിൽ ഉന്നത വിദ്യാഭ്യാസ വകുപ്പ് സമിതിയെ നിയോഗിച്ചു. മന്ത്രി ആർ ബിന്ദുവും പി രാജീവും ക്യാംപസ് സന്ദർശിച്ചു. അപകടത്തിൽ പരിക്കേറ്റ് ചികിത്സയിൽ കഴിയുന്ന ചികിത്സയിൽ കഴിയുന്ന 36 പേരിൽ മൂന്ന് പേർ ഐസിയുവിലാണ്. ശ്വാസം മുട്ടിയാണ് വിദ്യാർത്ഥികളുടെ മരണമെന്നാണ് പ്രാഥമിക പോസ്റ്റ്മോട്ടം റിപ്പോർട്ടെന്ന് ആരോഗ്യമന്ത്രി വീണാ ജോർജ് സ്ഥിരീകരിച്ചു. ആസ്റ്റർ മെഡിസിറ്റിയിൽ ചികിത്സയിലുള്ള രണ്ടു വിദ്യാത്ഥികളുടെ നില ഗുരുതരമാണ്. വിദ്യാർത്ഥികളുടെ ചികിത്സാ സൗകര്യങ്ങൾ സർക്കാർ ഉറപ്പു വരുത്തിയിട്ടുണ്ടെന്നും വീണാ ജോർജ് പറഞ്ഞു

സംഗീത നിശയ്ക്ക് അനുമതി തേടിയിരുന്നില്ല എന്ന നിലപാടിലാണ് പൊലീസ്. വാക്കാൽ മാത്രമാണ് അനുമതി തേടിയതെന്ന് വൈസ് ചാൻസലറും സ്ഥിരീകരിച്ചു അപകടത്തിൽ സംഗീത നിശയുടെ സംഘാടകരെ പ്രതി ചേർത്തേക്കും . ആശുപത്രിയിൽ ഉള്ളവരുടെ മൊഴിയുടെ അടിസ്ഥാനത്തിലാകും പ്രതി ചേർക്കുക.

അതേസമയം, ആഘോഷ പരിപാടികളിൽ ആൾകൂട്ടം നിയന്ത്രിക്കുന്ന കാര്യം പരിശോധിക്കുമെന്ന് റവന്യുമന്ത്രി കെ രാജൻ പറഞ്ഞു. സംഭവത്തെ കുറിച്ച്
കളക്ടറോട് വിശദമായ റിപ്പോർട്ട് ആവശ്യപ്പെട്ടതായും മന്ത്രി അറിയിച്ചു.