ന്യൂയോര്ക്ക് : മ്യൂസിക് ഇന്ത്യ ഫൗണ്ടേഷന് ഓഫ് നോര്ത്ത് അമേരിക്ക എംഐഎഫ് 2024ലെ യുവ സംഗീത രത്ന പുരസ്കാരത്തിന് നവനീത് ഉണ്ണികൃഷ്ണനെ തിരഞ്ഞെടുത്തു. സംഗീതമേഖലയില് ഗ്ലോബല് തലത്തില് തിളങ്ങുന്ന യുവപ്രതിഭകളെ ആദരിക്കുന്നതിന്റെ ഭാഗമായിട്ടാണ് ഈ പുരസ്കാരം നല്കുന്നത്.
2025 ജൂലൈ 26-ന് കാലിഫോര്ണിയയിലെ മില്പിറ്റാസ് ടെക്ക് സെന്ററില് നടക്കുന്ന സംഗീത ദിനാഘോഷത്തില് മ്യൂസിക് ഇന്ത്യ ഫൗണ്ടേഷന് ഓഫ് നോര്ത്ത് അമേരിക്ക (എംഐഫ്) ഈ പുരസ്കാരം നല്കും.
അമേരിക്കയില് ജനിച്ച് വളര്ന്ന നവനീത്, കര്ണാടക സംഗീതത്തിന്റെ ആഴത്തിലുള്ള പാരമ്പര്യത്തില് പെരുകിയ ഒരു അപൂര്വ സംഗീത പ്രതിഭയാണ്. സിനിമാഗാനങ്ങളിലും കര്ണാടക രാഗങ്ങളിലും ഉള്ള ആഴം തിരിച്ചറിഞ്ഞ്, രണ്ടിന്റെയും ബന്ധം അതിമനോഹരമായി അവതരിപ്പിക്കുന്നതില് അദ്ദേഹം വൈദഗ്ധ്യം കാണിക്കുന്നു. സാങ്കേതിക പരിജ്ഞാനത്തോടൊപ്പം സംഗീതത്തിന്റെ അതിസൂക്ഷ്മ വികാരങ്ങളിലേക്കുള്ള അദ്ദേഹത്തിന്റെ അറിവ് ശ്രദ്ധേയമാണ്.
ഈ വര്ഷം എംഐഎഫ് നോര്ത്ത് അമേരിക്ക ലോകമാകെയുള്ള വൈവിധ്യമാര്ന്ന യുവസംഗീത പ്രതിഭകളില് നിന്നും സ്വീകരിച്ച അമ്പതിലധികം അപേക്ഷകളില്, ഇന്ത്യയും യുഎസും ഉള്പ്പെടെയുള്ള പ്രമുഖ സംഗീതജ്ഞന്മാരുള്ള വിജ്ഞാപക സമിതി നടത്തിയ വിലയിരുത്തിയതിന്റെ അടിസ്ഥാനത്തിലാണ് നവനീത് ഉണ്ണിക്കൃഷ്ണനെ ഏകകണ്ഠമായി ഈ പുരസ്കാരത്തിന് തിരഞ്ഞെടുത്തത്. രാഗങ്ങളെ അടിസ്ഥാനമാക്കി തയ്യാറാക്കിയ ചലച്ചിത്ര ഗാനങ്ങളില് കാണിച്ച വൈവിധ്യവും, കര്ണാടക സംഗീതം കൂടുതല് ജനപ്രീതിയുള്ളതാക്കുന്ന ശ്രമങ്ങളിലും അദ്ദേഹത്തിന്റെ പങ്കാളിത്തവും പ്രശംസനീയമാണ്.
2025 ജൂലൈ 26-ന്, കാലിഫോര്ണിയയിലെ മില്പിറ്റാസ് ടെക്ക് സെന്ററില് വെച്ച് നടക്കുന്ന എംഐഎഫ് സംഗീത ദിനാഘോഷം പരിപാടിയില് നവനീതിന് ഈ പുരസ്കാരം ഔപചാരികമായി സമ്മാനിക്കും. സാന്ഫ്രാന്സിസ്കോ ബേ ഏരിയയില് നിന്നുള്ള സംഗീതാരാധകരും കലാപ്രേമികളും പരിപാടിയില് പങ്കെടുക്കും.
2024-ലെ യുവ സംഗീത രത്നയായി നവനീതിനെ തെരഞ്ഞെടുത്തത് അദ്ദേഹത്തിന്റെ വ്യക്തിഗത നേട്ടം മാത്രമായിട്ടല്ല, കര്ണാടക സംഗീതത്തിന്റെ പൈതൃകത്തെ ആധുനികതയുമായി ചേര്ത്ത് പ്രചരിപ്പിക്കുന്ന യുവപ്രതിഭകളുടെ വിജയമായി കണക്കാക്കപെടുന്നതുകൊണ്ടും കൂടിയാണ്.
MIF ‘Yuva Sangeetha Ratna’ award goes to Navaneeth Unnikrishnan
