കുമളി: ഇടുക്കി മുല്ലപ്പെരിയാര്‍ ഡാമിലെ ജലനിരപ്പ് പരമാവധി സംഭരണശേഷിയായ 136 അടി പിന്നിട്ടതോടെ ഡാമിന്റെ ഷട്ടറുകള്‍ തുറന്നു.13 ഷട്ടറുകളാണ് തുറന്നത്.. ഇതിലൂടെ ഒരു സെക്കന്‍ഡില്‍ 250 ഘനയടി വെള്ളമാണ് ആദ്യം ഒഴുക്കുക. ഇന്ന് ഉച്ചയ്ക്ക് 12 നാണ് ഡാമിന്റ ഷട്ടറുകള്‍ തുറന്നത്.
മഴ ശക്തമായി പെയ്യുന്നതിനാല്‍ ഡാമിലേക്കുള്ള നീരൊഴുക്ക് ശക്തമാണ്. വൃഷ്ടി പ്രദേശമായ പെരിയാര്‍ കടുവ സങ്കേതത്തിലെ വനത്തില്‍ വീണ്ടും മഴ ശക്തമായതോടെയാണ് ഡാമിലേക്കുള്ള നീരൊഴുക്ക് വര്‍ദ്ധിച്ചത്. ഇന്ന് രാവിലെ ഡാമിലെ ജലനിരപ്പ് 136.2 അടിയായിരുന്നു. ഇതിനു പിന്നാലെയാണ് ഷട്ടറുകള്‍ തുറക്കാന്‍ അന്തിമ തീരുമാനമായത്.
ഡാമില്‍ നിന്നും വെള്ളം പുറത്തേയ്ക്ക് കളയുന്നതിനായി സ്പില്‍ വേയിലെ 13 ഷട്ടറുകള്‍ 10 സെന്റി മീറ്റര്‍ വീതവും സ്പില്‍ വേയിലെ 13 ഷട്ടറുകള്‍ 10 സെന്റി മീറ്റര്‍ വീതവുമാണ് ഉയര്‍ത്തിയത്. പെരിയാറിന്റെ തീരത്തുള്ളവര്‍ ജാഗ്രത പാലിക്കണമെന്നും ആശങ്കപ്പെടേണ്ട സാഹചര്യമില്ലെന്നും ജില്ലാ കളക്ടര്‍ അറിയിച്ചു. ഡമിലെ വെള്ളം പെരിയാര്‍ നദിയിലൂടെ ഉപ്പുതറ ചപ്പാത്ത് വഴി വെള്ളം ഇടുക്കി അണക്കെട്ടില്‍ എത്തുന്നത്. തീരത്തുള്ളവര്‍ മാറണമെന്ന നിര്‍ദേശവും അധികൃതര്‍ നല്കിയിട്ടുണ്ട്.
Mullaperiyar Dam shutters opened, 13 shutters raised
