രാമപുരത്ത് ജ്വല്ലറി ഉടമയെ പട്ടാപ്പകൽ തീ കൊളുത്തി  കൊല്ലാൻ ശ്രമം 

കോട്ടയം:  രാമപുരത്ത് പട്ടാപ്പകൽ ജ്വല്ലറി ഉടമയെ പെട്രോൾ ഒഴിച്ച് തീകൊളുത്തി കൊല്ലാൻ ശ്രമം.  രാമപുരം ബസ്റ്റാൻഡിന് സമീപത്തുള്ള കണ്ണനാട്ട് ജ്വല്ലറി ഉടമ അശോകനെയാണ് തീകൊളുത്തി കൊല്ലാൻ ശ്രമിച്ചത്. 

ഗുരുതരമായി പൊള്ളലേറ്റ അശോകനെ  ആശുപത്രിയിൽ പ്രവേശിപ്പിച്ചു. അശോകന്റെ ഉടമസ്ഥതയിലുള്ള കെട്ടിടത്തിൽ പ്രവർത്തിക്കുന്ന മറ്റൊരു കടയുടമ മോഹൻദാസ് ആണ് പെട്രോൾ ഒഴിച്ചത്. മോഹൻദാസിനെ പൊലീസ് കസ്റ്റഡിയിൽ എടുത്തു.

ഇരുവരും തമ്മിലുള്ള സാമ്പത്തിക തർക്കമാണ് ആക്രമണത്തിന് കാരണമെന്ന് പോ ലീസിന്റെ പ്രാഥമിക നി​ഗമനം. സംഭവത്തെക്കുറിച്ച് രാമപുരം പോലീസ് അന്വേഷണം ആരംഭിച്ചു.

Attempt to set jewellery shop owner on fire in Ramapuram