യുഎസിൻ്റെ വടക്കുകിഴക്കൻ പ്രദേശത്തെ 50 ദശലക്ഷത്തിലധികം ആളുകൾ വെള്ളപ്പൊക്ക ഭീഷണിയിൽ. ന്യൂയോർക്ക് സിറ്റി, ന്യൂവാർക്ക്, ന്യൂജേഴ്‌സി, ആർലിംഗ്ടൺ, വിർജീനിയ എന്നിവയുൾപ്പെടെയുള്ള നഗരങ്ങളിൽ പ്രളയ മുന്നറിയിപ്പുകൾ നൽകിയിട്ടുണ്ട്. റീഗൻ നാഷണൽ എയർപോർട്ട് ഉൾപ്പെടെയുള്ള പ്രദേശത്തും വെള്ളപ്പൊക്ക ഭീഷണിയുണ്ട്.
ന്യൂജേഴ്‌സിയിലെ പടിഞ്ഞാറൻ യൂണിയൻ കൗണ്ടിയിൽ പ്രളയത്തിന് സാധ്യതയുണ്ടെന്ന് നാഷണൽ വെതർ സർവീസ് മുന്നറിയിപ്പ് നൽകി.വാഷിങ്ടൺ ഡി.സി., ബാൾട്ടിമോർ, ഫിലാഡൽഫിയ എന്നീ പ്രദേശങ്ങളും വെള്ളപ്പൊക്ക നിരീക്ഷണത്തിലാണ്.
സാവധാനത്തിൽ നീങ്ങുന്ന കാറ്റുകൾ പെട്ടെന്നുള്ള ശക്തമായ മഴയ്ക്ക് കാരണമാകുമെന്ന് കരുതുന്നു. മണിക്കൂറിൽ 3 മുതൽ 4 ഇഞ്ച് വരെ മഴ പെയ്യാൻ സാധ്യതയുണ്ട്.
തിങ്കളാഴ്ച രാവിലെ പ്രദേശത്ത് കനത്ത മഴ പെയ്തതിനെത്തുടർന്ന് ലങ്കാസ്റ്റർ കൗണ്ടി ഉൾപ്പെടെ തെക്കൻ പെൻസിൽവാനിയയുടെ ചില ഭാഗങ്ങളിൽ വെള്ളത്തിൽ മുങ്ങി.
Flash flood threat in US cities
