വാഷിംഗ്ടൺ : പാക്കിസ്ഥാൻ പിന്തുണയയോടെ ഭീകരർ പഹൽഗാമിൽ നടത്തിയ ഭീകരാക്രണത്തെ അപലപിച്ച് ക്വാഡ് രാജ്യങ്ങൾ. യുഎസിൽ നടക്കുന്ന ക്വാഡ് രാജ്യങ്ങളിലെ വിദേശകാര്യമന്ത്രിമാരുടെ യോഗത്തിലാണ് പഹൽഗാം ഭീകരാക്രമണത്തിനെതിരേ രൂക്ഷ വിമർശനം ഉയർന്നത്
ഭീകരാക്രമണത്തിനു പിന്നിൽ പ്രവർത്തിച്ചവരേയും ഇതിനു പിന്തുണ നൽകിയവരെയും നിയമത്തിനു മുന്നിൽ കൊണ്ടുവരണമെന്നും യോഗം ആവശ്യപ്പെട്ടു. ഇന്ത്യ,അമേരിക്ക, , ജപ്പാൻ, ഓസ്ട്രേലിയ രാജ്യങ്ങളാണ് ക്വാഡിൽ ഉള്ളത്.
ഭീകരതയെ പ്രതിരോധിക്കാൻ ഇന്ത്യയ്ക്ക് അവകാശമുണ്ടെന്ന് വിദേശകാര്യ മന്ത്രി എസ്. ജയശങ്കർ പറഞ്ഞു. ലോകം ഒരിക്കലും ഭീകരരോട് സഹിഷ്ണു‌ത കാണിക്കരുത്. ഇരകളെയും കുറ്റവാളികളെയും ഒരിക്കലും തുല്യരായി കാണരുത്. ഭീകരതയയെ പ്രതിരോധിക്കാൻ ഇന്ത്യയ്ക്ക് എല്ലാ അവകാശവുമുണ്ടെന്നും ജയ്ശങ്കർ പറഞ്ഞു
ഓസ്ട്രേലിയൻ വിദേശകാര്യ മന്ത്രി പെന്നി വോങ്യു, യു എസ് സ്റ്റേറ്റ് സെക്രട്ടറി മാർക്കോ റൂബിയോ, ജപ്പാൻ വിദേശകാര്യ മന്ത്രി തകേഷി ഇവായ, തുടങ്ങിയവർ യോഗത്തിൽ പങ്കെടുത്തു.
quad-countries-condemn-pahalgam-terror-attack
