യുഎസ് സുപ്രീം കോടതി, ട്രംപ് ഭരണകൂടത്തിന് വിദ്യാഭ്യാസ വകുപ്പ് പിരിച്ചുവിടാനുള്ള പദ്ധതിയുമായി മുന്നോട്ട് പോകാൻ അനുമതി നൽകി. മുമ്പ് ഇതിന് തടസ്സമായിരുന്ന ഒരു ഫെഡറൽ കോടതിയുടെ ഉത്തരവാണ് സുപ്രീം കോടതി റദ്ദാക്കിയത്.
ഈ അടിയന്തര വിധിയിലൂടെ, പ്രസിഡന്റ് ഡൊണാൾഡ് ട്രംപിന് വിദ്യാഭ്യാസ വകുപ്പിലെ ജോലി നഷ്ടപ്പെട്ട 1,400 ജീവനക്കാരെ വീണ്ടും നിയമിക്കാൻ ആവശ്യപ്പെട്ട കോടതി ഉത്തരവ് നിർത്തിവെക്കാനായി.
മെയ് 22ന്, ബോസ്റ്റണിലെ ഫെഡറൽ ജഡ്ജിയായ മിയോങ് ജോൺ, വലിയ തോതിൽ നടന്ന പിരിച്ചുവിടലുകൾ വകുപ്പിന്റെ പ്രവർത്തനത്തെ തകരാറിലാക്കുമെന്നും, ജീവനക്കാരെ തിരിച്ചെടുക്കണമെന്നും ഉത്തരവിട്ടിരുന്നു.
ഇത് ട്രംപിന് ഒറ്റവാരത്തിനുള്ളിൽ ലഭിക്കുന്ന രണ്ടാമത്തെ സുപ്രീം കോടതി വിജയം കൂടിയാണ്. കഴിഞ്ഞ ആഴ്ചയും ഫെഡറൽ ജീവനക്കാരെ കുറയ്ക്കാനുള്ള അദ്ദേഹത്തിന്റെ പദ്ധതി സുപ്രീം കോടതി അംഗീകരിച്ചിരുന്നു.
വിദ്യാഭ്യാസ വകുപ്പ് പിരിച്ചുവിടുന്നത്, ട്രംപ് അധികാരത്തിലിരിക്കെ മുന്നോട്ട് കൊണ്ടുപോയ പദ്ധതിയുടെ ഭാഗമാണ്. ഇതിന്റെ ലക്ഷ്യം ഫെഡറൽ സർക്കാരിന്റെ നിയന്ത്രണം കുറച്ച്, വിദ്യാഭ്യാസ രംഗത്തെ അധിക അധികാരങ്ങൾ സംസ്ഥാനങ്ങൾക്ക് കൈമാറുക എന്നതാണ്.
എന്നാൽ, 21 ഡെമോക്രാറ്റിക് സംസ്ഥാന അറ്റോർണി ജനറലുകൾ, സ്കൂൾ ജില്ലകളും തൊഴിലാളി യൂണിയൻകളും ചേർന്ന്, ഈ നീക്കത്തിന് നിയമപരമായ എതിര്‍പ്പുമായി രംഗത്തെത്തിയിട്ടുണ്ട്. വകുപ്പിന് അതിന്റെ പ്രധാന ചുമതലകൾ നിർവഹിക്കാൻ ഇതു തടസ്സമാകുമെന്നാണ് അവരുടെ അഭിപ്രായം.
1979-ല്‍ രൂപീകരിച്ച വിദ്യാഭ്യാസ വകുപ്പ്, വിദ്യാർത്ഥികൾക്ക് കോളേജ് ലോൺ നൽകുന്നത്, സ്കൂളുകളിൽ സിവിൽ റൈറ്റ്സ് ഉറപ്പാക്കുന്നത്, പഠനനിലവാരം വിലയിരുത്തൽ, വൈകല്യമുള്ള കുട്ടികൾക്കുള്ള സഹായം, ഫണ്ട് കുറവുള്ള സ്കൂളുകൾക്ക് സഹായധനം എന്നിവ നൽകുന്നത് തുടങ്ങിയ പ്രധാന ചുമതലകളാണ് ഏറ്റെടുത്തിരിക്കുന്നത്.
Setback for Federal Education Department; Supreme Court Approves Trump’s Plan
