ബാങ്കുകളുടെ മിനിമം ബാലൻസ് തീരുമാനിക്കുന്നതിൽ നിയന്ത്രണം കൊണ്ടുവരാനുള്ള അധികാരം റിസർവ് ബാങ്കിന് ഇല്ലെന്ന് ഗവർണർ സഞ്ജയ് മൽഹോത്ര വ്യക്തമാക്കി. മിനിമം ബാലൻസ് തുകയും അതിൽ കുറവ് വന്നാൽ ഈടാക്കുന്ന പിഴയും ബാങ്കുകൾക്ക് സ്വതന്ത്രമായി തീരുമാനിക്കാമെന്ന് അദ്ദേഹം പറഞ്ഞു.
“ചില ബാങ്കുകൾ 10,000 രൂപ, ചിലർ 12,000 രൂപ, ചിലർ 2,000 രൂപ, ചിലർ മിനിമം ബാലൻസ് വേണ്ടെന്നുവെക്കൽ തുടങ്ങി വ്യത്യസ്ത തീരുമാനങ്ങൾ എടുത്തിട്ടുണ്ട്. ഇത് സാമ്പത്തിക നിയന്ത്രണ പരിധിയിലില്ലാത്ത വിഷയമാണ്. ബാങ്ക് മാനേജ്മെന്റാണ് ഇത് തീരുമാനിക്കുന്നത്,” എന്ന് ഗവർണർ ഗുജറാത്തിൽ മാധ്യമപ്രവർത്തകരോട് പറഞ്ഞു.
ഐ.സി.ഐ.സി.ഐ ബാങ്ക് മെട്രോ നഗരങ്ങളിൽ അക്കൗണ്ടുകളുടെ മിനിമം ബാലൻസ് 50,000 രൂപയായി ഉയർത്തിയതിന്റെ പശ്ചാത്തലത്തിലാണ് ഈ വിശദീകരണം. ആഗസ്റ്റ് 1 മുതൽ പ്രാബല്യത്തിൽ വന്ന ഈ തീരുമാനം ജനങ്ങളിൽ പ്രതിഷേധമുണർത്തിയിട്ടുണ്ട്. മിനിമം ബാലൻസ് പാലിക്കാത്തവർക്ക് 6 ശതമാനം പലിശയോ 500 രൂപയോ പിഴയായി നൽകേണ്ടിവരും. സ്റ്റേറ്റ് ബാങ്ക് ഓഫ് ഇന്ത്യ ഇതിനകം തന്നെ മിനിമം ബാലൻസ് നിബന്ധന ഒഴിവാക്കിയിട്ടുണ്ട്.
Minimum Balance, Penalty Rates – Banks Can Decide on Their Own; RBI Will Not Intervene, Says Governor
