ചിക്കാഗോ: സാഹിത്യവേദിയുടെ അടുത്ത സമ്മേളനം ഓഗസ്റ്റ് 8-ന് വൈകീട്ട് 6:30-ന് ചിക്കാഗോ സമയം ലീലാ പുല്ലാപ്പള്ളിയുടെ വസതിയിൽ വെച്ച് ചേരും. നേരിട്ട് പങ്കെടുക്കാൻ സാധിക്കാത്തവർക്കായി വൈകിട്ട് 7:30 മുതൽ സൂം വഴിയും പരിപാടിയിൽ പങ്കെടുക്കാം.
ഈ സമ്മേളനത്തിൽ സാഹിത്യവേദി അംഗവും മുൻ ലാനാ പ്രസിഡന്റുമായ ഷാജൻ ആനിത്തോട്ടം തന്റെ അഞ്ച് പുസ്തകങ്ങളെക്കുറിച്ച് സംസാരിക്കും. ‘ഹിച്ച് ഹൈക്കർ’, ‘പൊലിക്കറ്റ’, ‘ഒറ്റപ്പയറ്റ്’, ‘പകർന്നാട്ടം’, ‘ഹിമ’ എന്നിവയാണ് അദ്ദേഹത്തിന്റെ കൃതികൾ.
ഷാജൻ ആനിത്തോട്ടത്തിന്റെ ആദ്യ കഥാസമാഹാരമായ ‘ഹിച്ച് ഹൈക്കർ’ 2014-ൽ എം.ടി. വാസുദേവൻ നായർ സി. രാധാകൃഷ്ണന് നൽകി പ്രകാശനം ചെയ്തു. പത്ത് ചെറുകഥകളാണ് ഈ സമാഹാരത്തിലുള്ളത്. രണ്ടാമത്തെ കൃതിയായ ‘പൊലിക്കറ്റ’ 51 കവിതകളുടെ സമാഹാരമാണ്. 2015-ൽ കാലിക്കറ്റ് യൂണിവേഴ്സിറ്റി വൈസ് ചാൻസലർ ഡോ. അബ്ദുൽ സലാം ബേപ്പൂരിലെ വൈക്കം മുഹമ്മദ് ബഷീറിന്റെ വീട്ടിൽ വെച്ച് ഇത് പ്രകാശനം ചെയ്തു. പ്രമുഖ അമേരിക്കൻ പ്രസിദ്ധീകരണങ്ങളിൽ വന്ന ലേഖനങ്ങളുടെ സമാഹാരമായ ‘ഒറ്റപ്പയറ്റ്’ 2018-ൽ കോട്ടയത്ത് നടന്ന ചടങ്ങിൽ വെച്ച് സക്കറിയ ഉണ്ണി ആറിന് നൽകി പ്രകാശിപ്പിച്ചു.
അദ്ദേഹത്തിന്റെ ആദ്യ നോവലായ ‘പകർന്നാട്ടം’ മാതൃഭൂമി വാരികയുടെ പത്രാധിപരും നോവലിസ്റ്റുമായ സുഭാഷ് ചന്ദ്രനാണ് പ്രകാശനം ചെയ്തത്. ഏറ്റവും ഒടുവിൽ പുറത്തിറങ്ങിയ ‘ഹിമ’ എന്ന ചെറുകഥാസമാഹാരം 2025 ഏപ്രിലിൽ കൊച്ചിയിൽ വെച്ച് നടന്ന ചടങ്ങിൽ സി. രാധാകൃഷ്ണൻ ഫ്രാൻസിസ് നൊറോണക്ക് നൽകി പ്രകാശനം ചെയ്തു. ‘ഹിമ’യിൽ 21 കഥകളാണുള്ളത്.
കഴിഞ്ഞ ജൂൺ മാസത്തിൽ ഷിജി അലക്സ് നടത്തിയ ‘ഉള്ളെഴുത്തുകൾ’ എന്ന പുസ്തക പരിചയം ശ്രദ്ധേയമായിരുന്നു. എല്ലാ സാഹിത്യ സ്നേഹികളെയും ഈ പരിപാടിയിലേക്ക് സ്വാഗതം ചെയ്യുന്നു.
പരിപാടി വിവരങ്ങൾ:
- തീയതി: ഓഗസ്റ്റ് 8, വെള്ളിയാഴ്ച
- സമയം: വൈകീട്ട് 6:30 (ചിക്കാഗോ സമയം)
- സ്ഥലം: ലീലാ പുല്ലാപ്പള്ളിയുടെ വസതി (43 Fox Trail, Lincolnshire, IL 60069)
- സൂം ലിങ്ക്: https://us02web.zoom.us/j/81475259178
- മീറ്റിംഗ് ഐഡി: 814 7525 9178
- പാസ്കോഡ്: 2990
കൂടുതൽ വിവരങ്ങൾക്ക്:
- ഷാജൻ ആനിത്തോട്ടം: 847 322 1181
- പ്രസന്നൻ പിള്ള: 630 935 2990
- ജോൺ ഇലക്കാട്: 773 282 4955
Sahitya Vedi Conference on August 8; Shajan Anithottam will speak
