ട്രംപിൻ്റെ കടുംവെട്ട് താരിഫ് അമേരിക്കൻ ബിസിനസ്സുകളെയും ഉപഭോക്താക്കളെയും എങ്ങനെ ബാധിക്കും? ഉടൻ അറിയാം

വാഷിംഗ്ടൺ: പ്രസിഡന്റ് ഡോണൾഡ് ട്രംപിന്റെ പുതിയ വിദേശ വ്യാപാര നയങ്ങൾ അമേരിക്കൻ ബിസിനസ്സുകളെയും ഉപഭോക്താക്കളെയും എങ്ങനെ ബാധിക്കുമെന്ന് ഇനി വ്യക്തമാകും. ഡസൻ കണക്കിന് രാജ്യങ്ങളിൽനിന്നുള്ള ഉത്പന്നങ്ങൾക്ക് അമേരിക്ക ഉയർന്ന തീരുവ ഏർപ്പെടുത്തിയതാണ് ഇതിന് കാരണം.
കഴിഞ്ഞ നൂറ് വർഷത്തിനിടയിലെ ഏറ്റവും ഉയർന്ന ഇറക്കുമതി തീരുവയാണ് വ്യാഴാഴ്ച പ്രാബല്യത്തിൽ വന്നത്. യൂറോപ്യൻ യൂണിയൻ പോലുള്ള വലിയ രാജ്യങ്ങൾ മുതൽ ആഫ്രിക്കൻ രാജ്യമായ ലെസോത്തോ വരെ 70 രാജ്യങ്ങളിൽ നിന്നുള്ള ഉത്പന്നങ്ങൾക്ക് ഈ തീരുവ ബാധകമാണ്. ഓരോ രാജ്യത്തെയും ബിസിനസ്സുകളെയും ഉപഭോക്താക്കളെയും ഇത് പല രീതിയിലായിരിക്കും ബാധിക്കുക.
ഭൂരിഭാഗം രാജ്യങ്ങളിൽനിന്നുള്ള കയറ്റുമതിക്ക് 15 ശതമാനം നികുതിയാണ് ചുമത്തിയിരിക്കുന്നത്. ഏഷ്യയിലെ ചില രാജ്യങ്ങൾക്ക് ഇത് 19 ശതമാനം ആണ്. മറ്റ് രാജ്യങ്ങളിൽനിന്നുള്ള ഉത്പന്നങ്ങൾക്ക് 20 മുതൽ 50 ശതമാനം വരെ നികുതിയുണ്ട്. കൂടാതെ, ചൈനയുമായി വ്യാപാര കരാറിൽ എത്തിയില്ലെങ്കിൽ ചൈനീസ് ഉത്പന്നങ്ങൾക്ക് അടുത്ത ആഴ്ച മുതൽ 55 ശതമാനം തീരുവ ഏർപ്പെടുത്താനും തീരുമാനിച്ചിട്ടുണ്ട്.
ട്രംപിന്റെ ഈ തീരുവ നയം ഫെബ്രുവരി മുതൽ തന്നെ വ്യവസായ മേഖലയിൽ ചർച്ചയായിരുന്നു. ഇത് ഓരോ രാജ്യത്തെയും ബിസിനസ്സുകളെ പല രീതിയിൽ ബാധിച്ചു. പല വാഹന നിർമ്മാതാക്കളും ഇപ്പോൾ ഈ ചെലവുകൾ ഏറ്റെടുക്കുന്നുണ്ട്. എന്നാൽ, ജൂൺ മാസത്തിലെ സർക്കാർ കണക്കുകൾ അനുസരിച്ച്, പലചരക്ക് സാധനങ്ങൾ, ഫർണിച്ചറുകൾ, വീട്ടുപകരണങ്ങൾ എന്നിവയുടെ ചില്ലറ വിൽപ്പന വില വർദ്ധിക്കാൻ തുടങ്ങിയിട്ടുണ്ട്.