അലൻ ചെന്നിത്തല
വിൻസർ: വിൻസർ മലയാളി അസോസിയേഷന്റെ 2025-ലെ ഓണാഘോഷം ‘പൂത്തുമ്പി’ സെപ്റ്റംബർ 6-ന് വിൻസർ ഡബ്ല്യു.എഫ്.സി.യു. (WFCU) സെന്ററിൽ വെച്ച് നടക്കും. കേരളത്തിന്റെ പാരമ്പര്യ തനിമയിൽ നടക്കുന്ന ഈ ആഘോഷത്തിൽ പ്രശസ്ത സിനിമാ നടിയും ഗിന്നസ് വേൾഡ് റെക്കോർഡ് ജേതാവുമായ ദിവ്യ ഉണ്ണി, മുൻ സിനിമാ താരമായ ആശ ജയറാം എന്നിവർ മുഖ്യാതിഥികളായിരിക്കും.
കേരള വിഭവങ്ങൾ ഉൾപ്പെടുത്തിയ വിഭവസമൃദ്ധമായ ഓണസദ്യയും, ദിവ്യ ഉണ്ണി അവതരിപ്പിക്കുന്ന നൃത്തരൂപങ്ങളും ആഘോഷങ്ങൾക്ക് മാറ്റുകൂട്ടും. കൂടാതെ, ആശാൻ ശ്രീകാന്ത് സുരേന്ദ്രൻ നയിക്കുന്ന വാദ്യവേദിയുടെ ചെണ്ടമേളം, വിൻസറിൽ നിന്നുള്ള പ്രാദേശിക കലാകാരന്മാർ അവതരിപ്പിക്കുന്ന വിവിധ കലാപരിപാടികൾ എന്നിവയും അരങ്ങേറും.
മലയാളികളുടെ ഐക്യവും ഓണത്തിന്റെ പാരമ്പര്യവും വിളിച്ചോതുന്ന ഈ ഓണാഘോഷത്തിലേക്ക് ഏവരെയും സ്വാഗതം ചെയ്യുന്നതായി വിൻസർ മലയാളി അസോസിയേഷൻ ഭാരവാഹികൾ അറിയിച്ചു.
Windsor Malayali Association’s Onam celebration ‘Poothumbi’ on September 6th
