ഡൽഹി: ബഹിരാകാശ മേഖലയിൽ ഇന്ത്യ ലോകശ്രദ്ധ നേടുന്ന നേട്ടങ്ങൾ കൈവരിച്ചുവെന്ന് പ്രധാനമന്ത്രി നരേന്ദ്ര മോദി. ഭാരത് മണ്ഡപത്തിൽ നടന്ന രണ്ടാമത് ദേശീയ ബഹിരാകാശ ദിനാഘോഷ പരിപാടിയിലാണ് മോദി ഇക്കാര്യം അവകാശപ്പെട്ടത്. ഗഗന്യാൻ യാത്രികനായ ഗ്രൂപ്പ് ക്യാപ്റ്റൻ ശുഭാംശു ശുക്ലയെ മാതൃകയാക്കി കൂടുതൽ യുവാക്കൾ ഈ മേഖലയിലേക്ക് കടന്നുവരണമെന്നും മോദി ആഹ്വാനം ചെയ്തു. ബഹിരാകാശ മേഖലയിൽ ഇന്ത്യയുടെ ഭാവി വളരെ ശോഭനമാണെന്നാണ് ക്യാപ്റ്റൻ ശുഭാംശു ശുക്ല പ്രതികരിച്ചത്. ചടങ്ങിൽ കേന്ദ്രമന്ത്രി ജിതേന്ദ്ര സിംഗ്, ഐഎസ്ആർഒ ചെയർമാൻ വി. നാരായണൻ, ഗഗന്യാൻ യാത്രികരായ അജിത് കൃഷ്ണൻ, പ്രശാന്ത് ബി. നായർ, അംഗത് പ്രതാപ് എന്നിവർ പങ്കെടുത്തു.
ഇന്ത്യയുടെ ബഹിരാകാശ നേട്ടങ്ങൾ ലോകശ്രദ്ധ നേടുന്നുവെന്ന് പ്രധാനമന്ത്രി
ബഹിരാകാശ മേഖലയിൽ ഇന്ത്യ ലോകശ്രദ്ധ നേടുന്ന നേട്ടങ്ങൾ കൈവരിച്ചുവെന്ന് പ്രധാനമന്ത്രി നരേന്ദ്ര മോദി. ഡൽഹിയിൽ ഭാരത് മണ്ഡപത്തിൽ നടന്ന രണ്ടാമത് ദേശീയ ബഹിരാകാശ ദിനാഘോഷ പരിപാടിയിൽ വിർച്വലായി സംസാരിക്കവെ, ബഹിരാകാശ സാങ്കേതികവിദ്യ ഭരണനിർവഹണത്തിൽ നിർണായക പങ്കുവഹിക്കുന്നുവെന്നും, സ്വകാര്യ മേഖലയുടെ പങ്കാളിത്തം വർധിച്ചുവരികയാണെന്നും അദ്ദേഹം ചൂണ്ടിക്കാട്ടി. ഗഗന്യാൻ യാത്രികനായ ഗ്രൂപ്പ് ക്യാപ്റ്റൻ ശുഭാംശു ശുക്ലയെ മാതൃകയാക്കി കൂടുതൽ യുവാക്കൾ ഈ മേഖലയിലേക്ക് കടന്നുവരണമെന്നും മോദി ആഹ്വാനം ചെയ്തു.
ബഹിരാകാശ മേഖലയിൽ ഇന്ത്യയുടെ ഭാവി ശോഭനമെന്ന് ശുഭാംശു ശുക്ല
ബഹിരാകാശ മേഖലയിൽ ഇന്ത്യയുടെ ഭാവി വളരെ ശോഭനമാണെന്ന് ഗഗന്യാൻ യാത്രികനായ ഗ്രൂപ്പ് ക്യാപ്റ്റൻ ശുഭാംശു ശുക്ല അഭിപ്രായപ്പെട്ടു. ദേശീയ ബഹിരാകാശ ദിനാഘോഷം ജനങ്ങളെ ഈ മേഖലയുമായി കൂടുതൽ അടുപ്പിക്കുമെന്നും, ഇന്ത്യയ്ക്ക് ഈ മേഖലയിൽ ദീർഘമായ പാരമ്പര്യമുണ്ടെന്നും അദ്ദേഹം പറഞ്ഞു. കഴിഞ്ഞ രണ്ട് വർഷമായി ആഘോഷിക്കപ്പെടുന്ന ഈ ദിനം വലിയ ചുവടുവെപ്പാണെന്നും, ജനങ്ങളുടെ ഉത്സാഹപൂർവമായ പ്രതികരണം ആഹ്ലാദകരമാണെന്നും ശുഭാംശു വ്യക്തമാക്കി. വലിയ പദ്ധതികളാണ് ഇന്ത്യ ലക്ഷ്യമിടുന്നതെന്നും, ബഹിരാകാശ മേഖലയിൽ രാജ്യം കൈവരിക്കുന്ന നേട്ടങ്ങൾ ലോകത്തിന്റെ ശ്രദ്ധ നേടുന്നുവെന്നും അദ്ദേഹം കൂട്ടിച്ചേർത്തു.
