ആന്ധ്ര പ്രദേശിലെ ചിറ്റൂർ ജില്ലയിലെ പുങ്കനൂരിൽ ആറാം ക്ലാസ് വിദ്യാർത്ഥിനി സാത്വിക നാഗശ്രീക്ക് (11) അധ്യാപികയുടെ അടിയേറ്റ് തലയോട്ടിയിൽ പരിക്കേറ്റു. ഹിന്ദി അധ്യാപികയായ സലീമ ബാഷ ബാഗ് ഉപയോഗിച്ച് കുട്ടിയുടെ തലയ്ക്ക് അടിച്ചതാണ് സംഭവം. ബാഗിൽ സ്റ്റീൽ ചോറ്റുപാത്രം ഉണ്ടായിരുന്നതിനാൽ പരിക്ക് ഗുരുതരമായി. സെപ്റ്റംബർ 10-ന് ക്ലാസ്സിൽ വിദ്യാർത്ഥിനി വികൃതി കാണിച്ചതിനെ തുടർന്ന് ദേഷ്യത്തിൽ അധ്യാപിക അടിച്ചതായി പൊലീസ് പറഞ്ഞു. കുട്ടിയുടെ അമ്മ വിജേത ഇതേ സ്കൂളിലെ സയൻസ് അധ്യാപികയാണ്.
സംഭവത്തിന് തൊട്ടുപിന്നാലെ കുട്ടിക്ക് തലവേദനയും തലകറക്കവും അനുഭവപ്പെട്ടു, സ്കൂളിലേക്ക് പോകാൻ കഴിയാതായി. ആദ്യം പുങ്കനൂരിലെ ആശുപത്രിയിലേക്ക് കൊണ്ടുപോയെങ്കിലും, ഗുരുതരമായ സാഹചര്യം മനസ്സിലാക്കി ഡോക്ടർ ബെംഗളൂരുവിലെ സ്വകാര്യ ആശുപത്രിയിലേക്ക് മാറ്റാൻ നിർദേശിച്ചു. അവിടെ നടത്തിയ സി.ടി. സ്കാൻ പരിശോധനയിൽ തലയോട്ടിയിൽ പൊട്ടലുണ്ടെന്ന് കണ്ടെത്തി. പരിക്കിന്റെ ഗൗരവം മനസ്സിലായതോടെ രക്ഷിതാക്കൾ അധ്യാപികയ്ക്കും പ്രിൻസിപ്പലിനുമെതിരെ പരാതി നൽകി. പുങ്കനൂർ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
സംഭവത്തെ തുടർന്ന് രോഷാകുലരായ രക്ഷിതാക്കൾ സ്കൂളിലെത്തി അധ്യാപകരുടെ ശിക്ഷാ നടപടികൾക്കെതിരെ പ്രതിഷേധിച്ചു. കുട്ടിയുടെ പരിക്ക് ഗുരുതരമായതിനാൽ ചികിത്സ തുടരുകയാണ്. സ്കൂളിലെ അധ്യാപകരുടെ പെരുമാറ്റത്തെക്കുറിച്ചുള്ള ചോദ്യങ്ങൾ ഉയർന്നുവന്ന സാഹചര്യത്തിൽ, അന്വേഷണത്തിന്റെ ഫലത്തെ ആശ്രയിച്ച് കൂടുതൽ നടപടികൾ സ്വീകരിക്കുമെന്ന് അധികൃതർ അറിയിച്ചു.
സംഭവത്തിന് തൊട്ടുപിന്നാലെ കുട്ടിക്ക് തലവേദനയും തലകറക്കവും അനുഭവപ്പെട്ടു, സ്കൂളിലേക്ക് പോകാൻ കഴിയാതായി. ആദ്യം പുങ്കനൂരിലെ ആശുപത്രിയിലേക്ക് കൊണ്ടുപോയെങ്കിലും, ഗുരുതരമായ സാഹചര്യം മനസ്സിലാക്കി ഡോക്ടർ ബെംഗളൂരുവിലെ സ്വകാര്യ ആശുപത്രിയിലേക്ക് മാറ്റാൻ നിർദേശിച്ചു. അവിടെ നടത്തിയ സി.ടി. സ്കാൻ പരിശോധനയിൽ തലയോട്ടിയിൽ പൊട്ടലുണ്ടെന്ന് കണ്ടെത്തി. പരിക്കിന്റെ ഗൗരവം മനസ്സിലായതോടെ രക്ഷിതാക്കൾ അധ്യാപികയ്ക്കും പ്രിൻസിപ്പലിനുമെതിരെ പരാതി നൽകി. പുങ്കനൂർ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
സംഭവത്തെ തുടർന്ന് രോഷാകുലരായ രക്ഷിതാക്കൾ സ്കൂളിലെത്തി അധ്യാപകരുടെ ശിക്ഷാ നടപടികൾക്കെതിരെ പ്രതിഷേധിച്ചു. കുട്ടിയുടെ പരിക്ക് ഗുരുതരമായതിനാൽ ചികിത്സ തുടരുകയാണ്. സ്കൂളിലെ അധ്യാപകരുടെ പെരുമാറ്റത്തെക്കുറിച്ചുള്ള ചോദ്യങ്ങൾ ഉയർന്നുവന്ന സാഹചര്യത്തിൽ, അന്വേഷണത്തിന്റെ ഫലത്തെ ആശ്രയിച്ച് കൂടുതൽ നടപടികൾ സ്വീകരിക്കുമെന്ന് അധികൃതർ അറിയിച്ചു.
