ലോകപ്രശസ്ത ഫുട്ബാൾ താരം, സൗദിയിലെ അൽ നസ്ർ ക്ലബ് ക്യാപ്റ്റൻ ക്രിസ്റ്റാനോ റൊണാൾഡോ ഉപയോഗിച്ച BMW XM Label RED 2024 മോഡൽ കാർ ലേലത്തിൽ വിൽപ്പനയ്ക്ക് വെച്ചിട്ടുണ്ട്. കഴിഞ്ഞ സീസണിൽ താരം ഔദ്യോഗികമായി ഓടിച്ചിരുന്ന ഈ കാർ സ്വന്തമാക്കാൻ അവസരമൊരുക്കുന്നു.
ലേലം https://webook.com വഴി സെപ്റ്റംബർ 9 വരെ നടക്കും. 18 വയസിന് മുകളിലുള്ള, സ്വദേശികളും വിദേശികളും ലേലത്തിൽ പങ്കെടുക്കാൻ കഴിയും.
ലേലത്തിൽ പങ്കെടുക്കാൻ 10,000 റിയാൽ മുൻകൂട്ടി അടക്കണം. ഇത് ലേലക്കാരന്റെ പ്രതിബദ്ധത ഉറപ്പാക്കുന്നതിനുള്ള തുക ആയിരിക്കും. ലേലത്തിൽ വിജയിച്ചില്ലെങ്കിൽ തുക മുഴുവനായും തിരികെ ലഭിക്കും. എന്നാൽ വിജയിച്ച ശേഷം പണം അടക്കാൻ പരാജയപ്പെട്ടാൽ തുക തിരികെ ലഭിക്കില്ല. ലേലത്തിലെ പ്രാരംഭ തുക 7,24,500 റിയാൽ (ഏകദേശം 1 കോടി 70 ലക്ഷം രൂപ) ആണ്.
ലേലത്തിൽ വിജയിക്കുന്നയാൾക്ക് ക്രിസ്റ്റാനോ റൊണാൾഡോ ഔദ്യോഗികമായി ഒപ്പിട്ട നെയിംപ്ലേറ്റ് അടങ്ങിയ കാർ ലഭിക്കും. വിജയി ഇമെയിൽ വഴി അല്ലെങ്കിൽ Webook.com പ്ലാറ്റ്‌ഫോം വഴി അറിയിക്കും. വിജയിക്കപ്പെട്ട ശേഷം ബാങ്ക് ട്രാൻസ്ഫർ വഴി BMW അധികൃതരുമായി കോഓർഡിനേറ്റ് ചെയ്ത് മൂന്നു പ്രവൃത്തി ദിവസത്തിനുള്ളിൽ പണം അടയ്ക്കണം. നികുതികൾ, തീരുവകൾ, ഷിപ്പിംഗ് ചെലവുകൾ തുടങ്ങിയ അധിക ഫീസുകൾ ലേലക്കാരന്റെ ഉത്തരവാദിത്തമാണെന്ന് അറിയിച്ചിട്ടുണ്ട്.
ലേലത്തിൽ പങ്കെടുക്കുന്നതിന് മുമ്പ് കാർ നേരിട്ടോ യോഗ്യതയുള്ള മൂന്നാം കക്ഷി വഴി പരിശോധിക്കാൻ അവസരമുണ്ട്. ലേലം ഉറപ്പായ ശേഷം കണ്ടെത്തുന്ന ഏതെങ്കിലും അപാകതകൾക്ക് Webook.comയും BMWയും ഉത്തരവാദികളാകില്ല.
Cristiano Ronaldo’s BMW Car Up for Auction: Chance to Own It
