ഐ.പി.സി.എൻ.എയുടെ ന്യൂ ജേഴ്‌സി സമ്മേളനത്തിന് ആശംസാ മലരുകൾ

ജോർജ്  തുമ്പയിൽ

ഇന്ത്യൻ പ്രസ് ക്ലബ് ഓഫ് നോർത്ത് അമേരിക്കയുടെ (ഐ.പി.സി.എൻ.എ) പ്രബുദ്ധമായ പ്രയാണവഴികളിൽ മാധ്യമ സംസ്കാരത്തിന് പുതിയൊരു ദിശാബോധമേകി ന്യൂ ജേഴ്‌സി സമ്മേളനത്തിന് തയ്യാറെടുപ്പുകൾ പൂർത്തിയാവുകയാണ്. ശുഭപ്രതീക്ഷകളുമായി എത്തുന്ന ദേശീയ സമ്മേളനത്തിന് സ്നേഹത്തിൽ കൊരുത്ത ആശംസകൾ.

ഇന്നാട്ടിലെ അക്ഷരസ്നേഹികളുടെ ഹൃദയതാളമായി, അമേരിക്കയുടെ വിവിധ നഗരങ്ങളിൽ ചാപ്റ്ററുകൾ സ്ഥാപിച്ച് ഐ.പി.സി.എൻ.എ പ്രവർത്തനവഴികളിൽ മുന്നേറുകയാണ്. ഏഴാം കടലിനിക്കരെയും മലയാളത്തിന്റെ സംസ്കാരം ഉയർത്തിപ്പിടിക്കാൻ, ഇവിടുത്തെ സമൂഹത്തിന്റെ പ്രശ്നങ്ങളും വിഹ്വലതകളും അവരുടെ നേട്ടങ്ങളും നമ്മുടെ സ്വന്തം നാടിൻ്റെ ഹൃദയതുടിപ്പുകളും പങ്കുവയ്ക്കാൻ ഐ.പി.സി.എൻ.എയുടെ കുടക്കീഴിൽ അവസരമൊരുങ്ങുന്നത് ഹൃദയം കുളിർക്കുന്ന അനുഭവമാണ് പകർന്നിടുക. ഐ.പി.സി.എൻ.എ നടത്തിയ ദേശീയ മാധ്യമ സമ്മേളനങ്ങൾ സംഘാടനമികവുകൊണ്ടും വ്യത്യസ്തമായ പരിപാടികൾകൊണ്ടും മുൻപേ ശ്രദ്ധിക്കപ്പെട്ടതാണ്.

എഡിസണിലെ ഷെറാട്ടൺ ഹോട്ടൽ ആണ് ഇത്തവണത്തെ സമ്മേളന വേദി. സമ്മേളനത്തിൽ മുഖ്യാതിഥിയായി വി.കെ. ശ്രീകണ്ഠൻ എം.പി പങ്കെടുക്കും. റാന്നി എം.എൽ.എ. പ്രമോദ് നാരായണും പങ്കെടുക്കുന്നു. ഒക്ടോബർ 9, 10, 11 തീയതികളിലാണ് സമ്മേളനം.

കേരളത്തിലെ ഒട്ടുമിക്ക മുഖ്യധാരാ മാധ്യമങ്ങളുടെയും പ്രതിനിധികളെയും പങ്കെടുപ്പിച്ചുകൊണ്ടാണ് ഇത്തവണയും കോൺഫറൻസ് നടത്തുന്നത്.

കേരളത്തിൽ നിന്നും ജോണി ലൂക്കോസ് (മനോരമ ന്യൂസ്), അബ്ജോദ് വർഗീസ് (ഏഷ്യാനെറ്റ് ന്യൂസ്), ഹാഷ്മി താജ് ഇബ്രാഹിം (24 ന്യൂസ്), സുജയാ പാർവതി (റിപ്പോർട്ടർ ചാനൽ), മോത്തി രാജേഷ് (സീനിയർ സബ് എഡിറ്റർ, സീനിയർ റിപ്പോർട്ടർ, മാതൃഭൂമി ടി.വി.), ലീൻ ബി ജെസ്‌മസ് (ന്യൂസ് 18) എന്നിവർ മീഡിയയെ പ്രതിനിധീകരിച്ച് പങ്കെടുക്കുന്നു.

ഒക്ടോബർ 10 വെള്ളിയാഴ്ച പ്രസിഡൻഷ്യൽ നൈറ്റും മ്യൂസിക്കൽ ഗാലയും. ഇതോടനുബന്ധിച്ച് ഒരുക്കിയിരിക്കുന്ന നൃത്തോത്സവത്തിൽ മാസ്മരിക നൃത്തവിരുന്നിന്റെ ചടുലതാളങ്ങളുമായി പ്രമുഖ നർത്തകികൾ അണിചേരും. മാലിനി നായർ (സൗപർണിക ഡാൻസ് അക്കാദമി), രേഖ പ്രദീപ് (ടീം മുദ്ര), റുബീന സുധർമൻ (വേദിക പെർഫോമിംഗ് ആർട്‌സ്), ബിന്ധ്യ ശബരിനാഥ് (മയൂര സ്‌കൂൾ ഓഫ് ഡാൻസ്) എന്നിവരുടെ നേതൃത്വത്തിൽ ഒരുക്കിയിരിക്കുന്ന നൃത്തവിസ്മയം പ്രസിഡൻഷ്യൽ നൈറ്റിൽ കാണികളുടെ ഹൃദയം കവരുമെന്നുറപ്പ്.

പുതിയൊരു ഊർജ്ജവും പ്രബുദ്ധതയുമാണ് ന്യൂ ജേഴ്‌സി സമ്മേളനം മലയാള മാധ്യമരംഗത്തിന് പകർന്നിടുന്നതെന്ന് സമ്മേളനത്തിനായുള്ള തയ്യാറെടുപ്പുകൾ ചൂണ്ടിക്കാട്ടുന്നു.

കോർ കമ്മിറ്റി അംഗങ്ങൾ

കോൺഫറൻസിന്റെ സുഗമമായ നടത്തിപ്പിനുവേണ്ടി കോർ കമ്മിറ്റി സജീവമായി പ്രവർത്തിക്കുന്നുണ്ട്.

• കോൺഫറൻസ് ചെയർമാൻ: സജി ഏബ്രഹാം.
• ജനറൽ കൺവീനർ: ഷോളി കുമ്പിളുവേലി (ന്യൂയോർക്ക് ചാപ്റ്റർ പ്രസിഡന്റ്).
• റിസപ്ഷൻ / രജിസ്ട്രേഷൻ: ബിജു കൊട്ടാരക്കര, കുഞ്ഞുമോൾ വർഗീസ്, ഡോ. തങ്കമണി അരവിന്ദ്.
• ഗസ്റ്റ് റിലേഷൻസ്: അനിയൻ ജോർജ്, ജിനേഷ് തമ്പി.
• ടൈം മാനേജ്‌മെൻ്റ്: റെജി ജോർജ് / ജോർജ് തുമ്പയിൽ.
• പ്രോഗ്രാം: ടാജ് മാത്യു.
• ഫുഡ് കമ്മിറ്റി: മധു കൊട്ടാരക്കര, സുനിൽ തൈമറ്റം.
• ട്രാൻസ്പോർട്ടേഷൻ: പിന്റോ ചാക്കോ, അനീഷ് ജെയിംസ്.
• സേഫ്റ്റി / സെക്യൂരിറ്റി കമ്മിറ്റി: ജിഷോ.
• സുവനീർ: മാത്തുക്കുട്ടി ഈശോ.
• ഓഡിയോ വിഷൻ: ജില്ലി സാമുവേൽ.

കൂടാതെ ഐ.പി.സി.എൻ.എയുടെ മുൻ പ്രസിഡന്റുമാരായ സുനിൽ തൈമറ്റം (അഡ്വൈസറി ബോർഡ് ചെയർമാൻ), ജോർജ് ജോസഫ്, മാത്യു വർഗീസ്, ബിജു കിഴക്കേക്കുറ്റ്, നിലവിലെ എക്സിക്യൂട്ടീവ് കമ്മിറ്റി അംഗങ്ങൾ, പ്രസിഡന്റ് ഇലക്ട് – രാജു പള്ളത്ത് എന്നിവരും കോർ കമ്മിറ്റിയിൽ അംഗങ്ങളാണ്.

മാധ്യമ പങ്കാളിത്തം

ഏഷ്യാനെറ്റ് ന്യൂസ്, 24 യു.എസ്.എ., മനോരമ ന്യൂസ്, മാതൃഭൂമി ന്യൂസ്, ഏഷ്യാനെറ്റ്, ദി മലയാളം ചാനൽ, ഫ്‌ളവേഴ്‌സ് യു.എസ്.എ., ഇമലയാളീ.കോം, നേർകാഴ്ച ന്യൂസ്, റിപ്പോർട്ടർ ലൈവ്, ഇന്ത്യാ ലൈഫ് ടി.വി., എൻ.ആർ.ഐ. റിപ്പോർട്ടർ, പ്രവാസി ചാനൽ, ന്യൂസ് 18 കേരളം, മീഡിയ വൺ, ജനം ടി.വി., മലയാളം ട്രിബ്യൂൺ, അമേരിക്കൻ മലയാളി, 24 ന്യൂസ് ലൈവ്.കോം, യു.എസ്. വീക്ക്‌ലി റൗണ്ട് അപ്, ഹാർവെസ്റ്റ് ടി.വി. (ക്രിസ്റ്റ്യൻ ചാനൽ), കേരള ടൈംസ്, മലയാളം ഡെയിലി ന്യൂസ്, ഇന്ത്യാ ലൈഫ്, അമേരിക്ക ഈ ആഴ്ച, ഷിജോസ് ട്രാവൽ ഡയറി, കേരള ഭൂഷണം, കെ.വി.ടി.വി., അബ്ബ ന്യൂസ്, ജനനി, പവർ വിഷൻ, മലയാളി മനസ് തുടങ്ങി മലയാള മാധ്യമ സമൂഹത്തിന്റെ മുഴുവൻ പിന്തുണയോടെയും ആശംസകളോടെയുമാണ് ഐ.പി.സി.എൻ.എയുടെ 10-ാം മീഡിയ കോൺഫറൻസും അവാർഡ് നൈറ്റും അരങ്ങേറുന്നത്.

എ.ഐ.യും സമൂഹമാധ്യമങ്ങളും മാധ്യമസംസ്കാരത്തെത്തന്നെ മാറ്റിയെഴുതുന്ന നാളുകളിൽ ലോകനിലവാരത്തിലേക്ക് മലയാള മാധ്യമ പ്രവർത്തനത്തെ കൈപിടിച്ചുയർത്തുക ശ്രമകരമായ ദൗത്യമാണെന്ന് തിരിച്ചറിഞ്ഞു തന്നെയാണ് ഐ.പി.സി.എൻ.എയുടെ ഓരോ ചുവടുവയ്‌പും. കേരളത്തിൽ നിന്ന് പ്രമുഖരെ പങ്കെടുപ്പിച്ചും ദേശീയ സമ്മേളനങ്ങളും ചാപ്റ്റർ സമ്മേളനങ്ങളും സംഘടിപ്പിച്ചും പ്രസ് ക്ലബ് പ്രവർത്തനം കൂടുതൽ മികവാർന്നതാക്കാൻ നേതൃത്വം പ്രത്യേക ശ്രദ്ധ വെക്കുന്നത് അഭിനന്ദനാർഹമാണ്.

മറ്റ് ജോലി മേഖലകളിൽ തിരക്കിട്ട് പ്രവർത്തിക്കുമ്പോഴും മലയാളഭാഷയോടും മാധ്യമരംഗത്തോടുമുള്ള സ്നേഹമാണ് പലരെയും ഇന്നാട്ടിൽ സമയവും പണവും കളഞ്ഞ് മാധ്യമരംഗത്ത് സജീവമായി നിലനിർത്തുന്നത്.

സംഘടനയുടെ പിറവി

വളരെ വർഷങ്ങൾക്ക് മുൻപാണ്, കേരളാ സെന്ററിൽ ഒരു പരിപാടിയിൽ ‘മലയാളം പത്രം’ പ്രതിനിധി എന്ന നിലയിൽ ലേഖകനും ക്യാമറയുമായി കവർ ചെയ്യുവാൻ എത്തിയത്. മണിക്കൂറുകൾ നീണ്ട കാത്തിരിപ്പിനൊടുവിൽ കവറേജ് കഴിയുമ്പോൾ നമുക്കെന്ത് ഫലം എന്ന ചിന്ത ഉയർന്നു. മാധ്യമപ്രവർത്തകർ സംഘടിത ശക്തിയാകണമെന്ന ചിന്ത ഉരുത്തിരിഞ്ഞത് വഴിത്തിരിവായി. പ്രസ് ക്ലബ് എന്ന ആശയത്തിന്റെ പിറവിയിലേക്ക് നയിച്ചതും ഈ ചിന്തയാണ്. അമേരിക്കയിൽ ചിതറിക്കിടക്കുന്ന മാധ്യമ പ്രവർത്തകരെ ഒരു കുടക്കീഴിൽ അണിനിരത്തുക എന്ന ചിന്തയും ശക്തിപ്പെട്ടു. സംഘടിത ശക്തിയുടെ രൂപീകരണം വൈറ്റ് പ്ലെയിൻസിലെ റോയൽ ഇന്ത്യ പാലസിൽ വെച്ചായിരുന്നു. ഇന്ത്യ പ്രസ് ക്ലബ് എന്ന ആരും മോഹിച്ചു പോകുന്ന പേര് അന്നാണ് ഉയർന്നുവന്നത്. അന്ന് സംഘടനാഘടനയെക്കുറിച്ച് ഏറെ ധാരണയൊന്നും ഉണ്ടായിരുന്നില്ല. വല്ലപ്പോഴുമൊരിക്കൽ ഒത്തുകൂടി അനുഭവങ്ങൾ പങ്കിടുക എന്ന ചിന്ത മാത്രമായിരുന്നു മനസ്സിൽ.

അമേരിക്കയിലെ ഏറ്റവും മുതിർന്ന മലയാളി പത്രപ്രവർത്തകൻ ജോർജ് ജോസഫ് ആയിരുന്നു സംഘടനയുടെ ആദ്യ പ്രസിഡന്റ്. അന്ന് അദ്ദേഹത്തോടൊപ്പം സെക്രട്ടറി ആയി ഉണ്ടായിരുന്നത് റെജി ജോർജ്. ട്രഷറർ ആയി ജോസ് തയ്യിൽ. ഒപ്പമുണ്ടായിരുന്നവർ ടാജ് മാത്യു, ജേക്കബ് റോയി, ജോസ് കാടാപുറം, സിബി ഡേവിഡ്, റെജി ജോർജ്, ജോർജ് തുമ്പയിൽ എന്നിവർ.

2005-ൽ ന്യൂയോർക്കിൽ നടന്ന ആദ്യ പ്രസ് കോൺഫറൻസിൽ മുഖ്യ പ്രഭാഷകനായി വന്നത് മലയാള മനോരമ എഡിറ്റോറിയൽ ഡയറക്റ്റർ തോമസ് ജേക്കബ്. ജോർജ് ജോസഫ് മലയാള മനോരമയിൽ ഉണ്ടായിരുന്ന കാലത്ത് സഹപ്രവർത്തകനായിരുന്നു അദ്ദേഹവും.

സംഘടനാ രംഗത്ത് നൂതന പരിപാടികളുമായി വന്ന ജോസ് കണിയാലി ഈ രംഗത്ത് പ്രൊഫഷണലിസത്തിന്റെ വളർച്ചയെ കാണിച്ചു. ടാജ് മാത്യു ആയിരുന്നു സെക്രട്ടറി. ട്രഷറർ ആയി ഏബ്രഹാം മാത്യു.

തുടർന്ന് മാധ്യമരംഗത്തെ പരിചയസമ്പന്നനായ റെജി ജോർജിലേക്ക് നേതൃത്വം കൈമാറിയപ്പോൾ കേരളത്തിലെ പത്രപ്രവർത്തന രംഗവുമായുള്ള ബന്ധം ശക്തമാവുകയും ചെയ്തു. സെക്രട്ടറി ശിവൻ മുഹമ്മ. ട്രഷറർ ജോർജ് തുമ്പയിൽ.

ഫ്‌ളോറിഡയിൽ നിന്നുള്ള മാത്യു വർഗീസിലേക്ക് പ്രസിഡന്റ് പദം എത്തിയതോടെ പ്രസ് ക്ലബ് അവാർഡുകളുടെ വ്യാപ്തി ഒന്നുകൂടി വലുതായി. സെക്രട്ടറി മധു കൊട്ടാരക്കര. ട്രഷറർ സുനിൽ തൈമറ്റം.

അഞ്ചാമത്തെ പ്രസിഡന്റായി ടാജ് മാത്യു എത്തിയതോടെ കാര്യങ്ങൾക്ക് ചിട്ടയും വട്ടവുമായി. വിൻസന്റ് ഇമ്മാനുവൽ ആയിരുന്നു സെക്രട്ടറി. ട്രഷറർ ബിജു കിഴക്കേക്കുറ്റ്.

ശിവൻ മുഹമ്മ ആയിരുന്നു അടുത്ത പ്രസിഡന്റ്. ജോർജ് കാക്കനാട്ട് സെക്രട്ടറിയും. ട്രഷറർ ജോസ് കാടാപുറം.

മധു കൊട്ടാരക്കരയിലേക്ക് പ്രസിഡന്റ് പദം എത്തിയതോടെ എല്ലാറ്റിനും ഒരു ജനകീയ മുഖം ദർശിക്കാനായി. സുനിൽ തൈമറ്റം ആയിരുന്നു സെക്രട്ടറി. ട്രഷറർ സണ്ണി പൗലൂസ്.

മൂന്നാം തവണ ഷിക്കാഗോ വേദിയാകുമ്പോൾ ബിജു കിഴക്കേക്കുറ്റ് ആയിരുന്നു പ്രസിഡന്റ്. സുനിൽ ട്രൈസ്റ്റാർ സെക്രട്ടറിയും. ട്രഷറർ ജീമോൻ ജോർജ്.

മയാമിയിലേക്ക് 9-ാം വാർഷികം മാറിയപ്പോൾ സുനിൽ തൈമറ്റമായിരുന്നു പ്രസിഡന്റ്. സെക്രട്ടറി രാജു പള്ളത്ത്. ട്രഷറർ ഷിജോ പൗലൂസും.

നിലവിലെ ഭരണസമിതി

സുനിൽ ട്രൈസ്റ്റാർ (സാമുവൽ ഈശോ, നാഷണൽ പ്രസിഡന്റ്), ഷിജോ പൗലൂസ് (നാഷണൽ സെക്രട്ടറി), വിശാഖ് ചെറിയാൻ (നാഷണൽ ട്രഷറർ), സുനിൽ തൈമറ്റം (അഡ്വൈസറി ബോർഡ് ചെയർമാൻ), രാജു പള്ളത്ത് (പ്രസിഡന്റ് ഇലക്ട് – 2026-27), അനിൽ കുമാർ ആറന്മുള (നാഷണൽ വൈസ് പ്രസിഡന്റ്), ആഷാ മാത്യു (ജോ. സെക്രട്ടറി), റോയ് മുളകുന്നം (ജോ. ട്രഷറർ) എന്നിവരടങ്ങിയതാണ് പുതിയ ഭരണസമിതി.

സ്പോൺസർമാർ

സാജൻ & മിനി സാജൻ (സാജ് ഗ്രൂപ്പ് ഹോട്ടൽസ് ആൻഡ് റിസോർട്സ് – പ്ലാറ്റിനം മെയിൻ സ്പോൺസർ), ബിലീവേഴ്‌സ് ചർച്ച് മെഡിക്കൽ കോളജ് ഹോസ്പിറ്റൽ (ഹെൽത് കെയർ പാർട്ണർ), ബിജു കിഴക്കേക്കുറ്റ് (ഗോൾഡ് സ്പോൺസർ), വിൽസന്റ് ബാബുക്കുട്ടി (ഗോൾഡൻ പേട്രൺ – മെൽബ കോൺട്രാക്റ്റിങ് കമ്പനി), തോമസ് ജോർജ് മൊട്ടക്കൽ (ഗോൾഡ് സ്പോൺസർ – തോമർ കൺസ്ട്രക്ഷൻ ഗ്രൂപ്പ് ചെയർമാൻ, വേൾഡ് മലയാളി കൗൺസിൽ പ്രസിഡന്റ്), നോഹ ജോർജ് (ഗോൾഡ് സ്പോൺസർ – ഗ്ലോബൽ കൊലീഷൻ & ബോഡി വർക്‌സ്), ഡോ. ബാബു സ്റ്റീഫൻ (ഗോൾഡ് സ്പോൺസർ – വേൾഡ് മലയാളി കൗൺസിൽ പ്രസിഡന്റ്), സജിമോൻ ആന്റണി (ഗോൾഡ് സ്പോൺസർ – ഫൊക്കാന പ്രസിഡന്റ്), അനിൽ കുമാർ ആറന്മുള (ഗോൾഡ് സ്പോൺസർ), ജോൺ പി. ജോൺ, കാനഡ (ഗോൾഡ് സ്പോൺസർ), ബേബി ഊരാളിൽ, വർക്കി ഏബ്രഹാം, ജോൺ ടൈറ്റസ്, ജോയ് നേടിയകാലായിൽ (എലൈറ്റ് സ്പോൺസേഴ്സ്), ബോബി എം. ജേക്കബ് (സി.എം.ഡി. – അന്നാ കിറ്റക്സ് ഗ്രൂപ്പ്), സാറാസ്, ഗ്രേസ് സപ്ലൈ യു.എസ്.എ. ഐ.എൻ.സി. (ഇവന്റ് പാർട്ണർ), ജോസഫ് എം. കുന്നേൽ, ഇ.എസ്.ക്യൂ. & ജിമ്മി എം. കുന്നേൽ, ഇ.എസ്.ക്യൂ. (സിൽവർ സ്പോൺസർ), ബേബി മണക്കുന്നേൽ (ഫോമാ പ്രസിഡന്റ് – സിൽവർ സ്പോൺസർ), ഡോ. കൃഷ്ണ കിഷോർ (സിൽവർ പേട്രൺ), ജോസഫ് കാഞ്ഞമല (സി.പി.എ., സി.ജി.എം.എ., എഫ്.സി.എ. – സിൽവർ പേട്രൺ), മധു കൊട്ടാരക്കര (സിൽവർ പേട്രൺ), മോൻസി വർഗീസ് (കേരളം സമാജം, യോങ്കേഴ്‌സ് പ്രസിഡന്റ് – സിൽവർ സ്പോൺസർ), ജോയ് ആലുക്കാസ് (സിൽവർ സ്പോൺസർ), പി.ടി. തോമസ് (പി.ടി. തോമസ് ഐ.എൻ.സി. – സിൽവർ സ്പോൺസർ), ജിബിറ്റ് കിഴക്കേക്കുറ്റ് (സിൽവർ സ്പോൺസർ), ജോസ് വർഗീസ് (ജോസ്കോ ടൂർസ് ആൻഡ് ട്രാവൽ – സിൽവർ പേട്രൺ), ജേക്കബ് ഏബ്രഹാം, സജി ഹെഡ്ജ് (സിൽവർ സ്പോൺസർ), തോമസ് കോശി (എസ്.എസ്. കമ്മോഡിറ്റിസ് – സിൽവർ പേട്രൺ), ജെയിംസ് ജോർജ് (വെൽ കെയർ ഫാർമസി – സിൽവർ സ്പോൺസർ), ടോണി കിഴക്കേക്കുറ്റ് (സിൽവർ പേട്രൺ), റാണി തോമസ് (ബെറാഖ സ്റ്റഡി എബ്രോഡ്, മാനേജിങ് ഡയറക്റ്റർ – എജുക്കേഷൻ പാർട്ണർ), അജോ മോൻ പൂത്തുറയിൽ, കുരുവിള ജെയിംസ്, ജയ്ബു മാത്യു, പോൾസൺ മാത്യു, സിജോ വടക്കൻ (ട്രിനിറ്റി ടെക്സാസ് റിയൽറ്റി), രാജൻ തോമസ് (സിനിമ പ്രൊഡ്യൂസർ & ആക്ടർ), ഷിനു ജോസഫ്, സുധ കർത്താ (സി.പി.എ. – കർത്താ ഫിനാൻഷ്യൽ), സണ്ണി കല്ലൂപ്പാറ (സീരിയൽ, സിനി ആർട്ടിസ്റ്റ്), ശിവ് പണിക്കർ (സിൽവർ സ്പോൺസർ), ജേക്കബ് ചൂരവടി (റോക്ക്‌ലൻഡ് – ബെനിഫാക്റ്റർ), ഡോ. മാത്യു വർഗീസ് (ഡിട്രോയിറ്റ് – ഫൊക്കാന ഫൗണ്ടേഷൻ ചെയർമാൻ – ബ്രോൺസ് സ്പോൺസർ), വിജി ഏബ്രഹാം (ബ്രോൺസ് സ്പോൺസർ) എന്നിവരാണ് പരിപാടിയുടെ സ്പോൺസേഴ്സ്.

മൂന്നു ദിവസം നീണ്ടുനിൽക്കുന്ന ന്യൂ ജേഴ്‌സി സമ്മേളനത്തിൽ പൊതുജനങ്ങൾക്ക് പ്രവേശനം സൗജന്യമായിരിക്കും. നൃത്യനൃത്തങ്ങളും സമ്മേളനത്തെ മനോഹരമാക്കും.

മാധ്യമരംഗത്തെ മാറ്റങ്ങളോട് തോളോടു തോൾ ചേർന്നുനിന്ന്, നല്ലതിനെ സ്വീകരിച്ചുകൊണ്ടും സമൂഹത്തിലെ ജീർണതകൾക്കെതിരെ പോരാടിയും സശ്രദ്ധം ജാഗ്രതയോടെ ചുവടുവെക്കുവാൻ ന്യൂ ജേഴ്‌സി സമ്മേളനം അരങ്ങൊരുക്കട്ടെ എന്ന് ആശംസിക്കുന്നു.

Greetings to the IPCNA New Jersey Conference