ഇന്ത്യയിലെ ആദ്യ ‘മൈൻഡ്‌ടെക്’ ആപ് ‘പാലന ന്യൂറോസിങ്കി’ൽ നിക്ഷേപകനായി പ്രമുഖ ന്യൂറോ സർജൻ ഡോ. അരുൺ ഉമ്മൻ

കൊച്ചി: ഇന്ത്യയിലെ ആദ്യത്തെ മൈൻഡ്‌ടെക് സ്റ്റാർട്ടപ്പായ ‘പാലന ന്യൂറോസിങ്ക്’ പുതിയ ചുവടുവെയ്പ്പുകളിലേക്ക്. പ്രമുഖ ന്യൂറോ സർജനും വി.പി.എസ്. ലേക്‌ഷോർ ഹോസ്പിറ്റലിലെ സീനിയർ ന്യൂറോ സർജനുമായ ഡോ. അരുൺ ഉമ്മൻ എക്‌സിക്യൂട്ടീവ് ഡയറക്‌ടറായും ചീഫ് മെഡിക്കൽ അഡ്വൈസറായും കമ്പനിയിൽ നിക്ഷേപകനായി ചേർന്നു.

കഴിഞ്ഞ അഞ്ച് വർഷമായി പ്രവർത്തിക്കുന്ന ‘പാലന’ ലോകത്തിന്റെ വിവിധ ഭാഗങ്ങളിൽ നിന്നായി ആയിരക്കണക്കിന് ഉപയോക്താക്കളെ നേടിയിട്ടുണ്ട്. പുതിയ ഘട്ടത്തിലേക്ക് കടക്കുന്നതിന്റെ ഭാഗമായി നിലവിൽ 25 കോടി ഇന്ത്യൻ രൂപയാണ് കമ്പനിയുടെ മൂല്യം കണക്കാക്കിയിരിക്കുന്നത്.

സ്ഥാപകനും ചെയർമാനുമായ ബിജു ശിവാനന്ദൻ വാർത്താ സമ്മേളനത്തിലാണ് ഇക്കാര്യം അറിയിച്ചത്. സഹസ്ഥാപകരായ മനോജ് രോഹിണി, മണികണ്ഠൻ, ഡയറക്ടർമാരായ ആറളം അബ്ദുറഹ്മാൻ ഹാജി, പ്രിയ ബിജു എന്നിവർക്ക് പുറമേ മൂന്ന് പ്രമുഖർ കൂടി കമ്പനിയുടെ നേതൃനിരയിൽ എത്തിയിട്ടുണ്ട്.

പുതിയ ഭാരവാഹികൾ:

• അഹമ്മദ് മുല്ലാച്ചേരി (എൻ.ആർ.ഐ. സംരംഭകൻ) – കോ-ചെയർമാൻ
• ഡോ. അരുൺ ഉമ്മൻ (സീനിയർ ന്യൂറോ സർജൻ) – എക്‌സിക്യൂട്ടീവ് ഡയറക്‌ടർ, ചീഫ് മെഡിക്കൽ അഡ്വൈസർ
• വിജയ് ആനന്ദ് (ഹോണററി ട്രേഡ് കമ്മീഷണർ ടു ആഫ്രിക്ക, വിദേശ ടെക് സംരംഭകൻ) – എക്‌സിക്യൂട്ടീവ് ഡയറക്‌ടർ, ഗ്ലോബൽ ഹാപ്പിനസ് അംബാസഡർ

‘Caring Billions of Brains’ എന്ന ആപ്തവാക്യത്തോടെ പ്രവർത്തിക്കുന്ന ‘പാലന’ എട്ട് വയസ്സിന് മുകളിലുള്ളവർക്ക് സേവനം നൽകുന്നു. ഉപയോക്താവിന്റെ ഉള്ളിലുള്ള ചോദനകളെ തട്ടിയുണർത്തുന്ന രീതിയിലാണ് ആപ് രൂപകൽപ്പന ചെയ്തിരിക്കുന്നത്. നമ്മുടെ ഗുരുവും വഴികാട്ടിയും നമുക്കുള്ളിൽ തന്നെയുണ്ടെന്ന് ‘പാലന’ വിശദമാക്കുന്നു.

‘പാലന’ വാഗ്ദാനം ചെയ്യുന്ന ഏഴ് തലത്തിലുള്ള സെഷനുകൾ:

1. ‘അമൃത്’: ഗർഭിണികൾക്കും ഗർഭസ്ഥ ശിശുക്കൾക്കും വേണ്ടിയുള്ളത്.
2. ‘സയാന’: ഗാഢനിദ്രയിലേക്ക് നയിക്കാൻ.
3. ‘ആനന്ദ’: ആശങ്കകളും മാനസിക സംഘർഷങ്ങളും കുറയ്ക്കാൻ.
4. ‘വികാസ്’: വിദ്യാർഥികൾക്ക് ഓർമശക്തി വർധിപ്പിക്കാനും ശ്രദ്ധ കേന്ദ്രീകരിക്കാനും.
5. ‘സെക്‌സെലൻസ്’: ദമ്പതികൾക്കിടയിലെ ബന്ധം മെച്ചപ്പെടുത്താൻ.
6. ‘പ്രഭവ്’: മാനസികോർജ്ജവും വൈകാരികതലങ്ങളും സന്തുലിതമാക്കാൻ.
7. ‘സമൃദ്ധി’: ജീവിതത്തിൽ സമ്പദ്‌സമൃദ്ധിക്ക് വഴിയൊരുക്കുന്ന സ്വഭാവസവിശേഷതകൾ സമ്മാനിക്കാൻ.

സെക്‌സെലൻസും സയാനയും വൈകുന്നേരങ്ങളിൽ ഫലപ്രദമാവുമ്പോൾ, മറ്റ് സെഷനുകൾ പ്രഭാതങ്ങളിലേക്ക് അനുയോജ്യമായ രീതിയിലാണ് രൂപപ്പെടുത്തിയിട്ടുള്ളത്. മനസ്സിനെ ആഴങ്ങളിലേക്കെത്തിക്കുന്ന പ്രത്യേക ശബ്ദവീചികളാണ് (ന്യൂറോസിങ്ക്) ഇതിനായി ഉപയോഗിക്കുന്നത്.

ഇന്റർനെറ്റ് സൗകര്യമുള്ള എല്ലാ രാജ്യങ്ങളിലും ‘പാലന’യുടെ സേവനം എത്തിക്കുകയാണ് ലക്ഷ്യമെന്ന് സ്ഥാപകൻ ബിജു ശിവാനന്ദൻ വ്യക്തമാക്കി. പ്രീമിയം ഉപയോക്താക്കൾക്ക് ഉയർന്ന നിലവാരമുള്ള ഹെഡ്‌സെറ്റ് നൽകാനും കമ്പനി ആലോചിക്കുന്നുണ്ട്. തുടർച്ചയായി 90 ദിവസം പ്രതിദിനം ഒരു മണിക്കൂർ ‘പാലന’യുടെ നിർദ്ദേശങ്ങൾ പാലിച്ചാൽ ജീവിതത്തിൽ വലിയ മാറ്റങ്ങളുണ്ടാകുമെന്ന് അണിയറ പ്രവർത്തകർ വാഗ്ദാനം ചെയ്യുന്നു. ഉപയോക്താക്കൾക്ക് കൃത്യമായ മാർഗ്ഗനിർദ്ദേശങ്ങൾ നൽകാൻ ‘ഹാപ്പിനസ് റിജുവനേഷൻ സെന്ററുകൾ’ എന്ന എക്‌സ്പീരിയൻസ് സെന്ററുകളും ഒരുക്കുന്നുണ്ട്. നീണ്ട വർഷങ്ങളുടെ ഗവേഷണത്തിലൂടെയാണ് ‘പാലന’യുടെ മൊഡ്യൂളുകൾ തയ്യാറാക്കിയത്.

PIC: പാലന മൈന്റ്‌ടെക് സ്റ്റാര്‍ട്ടപ്പിന്റെ എക്‌സിക്യൂട്ടീവ് ഡയറക്ടറും ചീഫ് മെഡിക്കല്‍ അഡൈ്വസറുമായ ഡോ. അരുണ്‍ ഉമ്മന് സ്ഥാപകനും ചെയര്‍മാനുമായ ബിജു ശിവാനന്ദന്‍ സര്‍ട്ടിഫിക്കറ്റ് കൈമാറുന്നു. ഡയറക്ടര്‍ ആറളം അബ്ദുറഹ്മാന്‍ ഹാജി, സഹസ്ഥാപകരായ മനോജ് രോഹിണി, മണികണ്ഠന്‍ എന്നിവര്‍ സമീപം

Leading neurosurgeon Dr. Arun Oommen becomes investor in India’s first ‘MindTech’ app ‘Palana NeuroSync’