നെസ്ലെ കമ്പനിയുടെ സി.ഇ.ഒ. ആയിരുന്ന ലോറന്റ് ഫ്രീക്സിനെ ഒരു ജീവനക്കാരിയുമായുള്ള രഹസ്യ ബന്ധത്തെത്തുടർന്ന് പുറത്താക്കി. കമ്പനിയുടെ നയങ്ങൾ ലംഘിച്ചെന്ന് കണ്ടെത്തിയതിനെ തുടർന്നാണ് നടപടി. പുറത്താക്കൽ ഉടനടി പ്രാബല്യത്തിൽ വന്നു. ഫ്രാൻസിസ് മൺട്രിയാൽ ആയിരുന്നു ഫ്രീക്സിന് പകരം ചുമതലയേറ്റത്.
കമ്പനിയുടെ ആഭ്യന്തര അന്വേഷണത്തിലാണ് ഫ്രീക്സ് കമ്പനിയുടെ നിയമങ്ങൾ ലംഘിച്ചെന്ന് കണ്ടെത്തിയത്. ഡയറക്ടർ ബോർഡിന്റെ നേതൃത്വത്തിൽ നടന്ന അന്വേഷണത്തിൽ, ഒരു ജീവനക്കാരിയുമായി രഹസ്യബന്ധം പുലർത്തിയതായി കണ്ടെത്തി. ഇത് കമ്പനിയുടെ നിയമങ്ങൾക്ക് വിരുദ്ധമാണെന്ന് നെസ്ലെ പ്രസ്താവനയിൽ അറിയിച്ചു. നെസ്ലെയിൽ നാല് പതിറ്റാണ്ടോളം പ്രവർത്തിച്ച വ്യക്തിയാണ് ഫ്രീക്സ്.
അദ്ദേഹത്തെ പുറത്താക്കാനുള്ള തീരുമാനം ആവശ്യമായ ഒരു നടപടിയാണെന്ന് നെസ്ലെ ചെയർമാൻ പോൾ ബുൾകെ പ്രസ്താവിച്ചു. കമ്പനിയുടെ മൂല്യങ്ങളും ഭരണവും വളരെ പ്രധാനപ്പെട്ടതാണെന്നും അദ്ദേഹം കൂട്ടിച്ചേർത്തു. അതേസമയം, പുറത്താക്കലിന് ശേഷവും ഫ്രീക്സിന് കമ്പനിയുടെ ഭാഗമായി ലഭിക്കേണ്ട സാമ്പത്തിക ആനുകൂല്യങ്ങളൊന്നും ലഭിക്കില്ലെന്നും കമ്പനി അറിയിച്ചു.
