ന്യൂഡല്‍ഹി: 2020-ല്‍ കോവിഡ് കാലഘട്ടത്തില്‍ നിര്‍ത്തലാക്കിയ ഇന്ത്യയും ചൈനയും നേരിട്ടുള്ള വിമാന സര്‍വീസ് പുനസ്ഥാപിച്ചു. കൊല്‍ക്കത്തയില്‍ നിന്നും ഗ്വാങ്ചൗ വിമാനത്താവളത്തിലേക്ക് അഞ്ചുവര്‍ഷത്തെ ഇടവേളയ്ക്ക് ശേഷം ഇന്ത്യയും ചൈനയും തമ്മിലുള്ള നേരിട്ടുള്ള വിമാന സര്‍വീസുകള്‍ പുനരാരംഭിച്ചു.
ആദ്യ വിമാന സര്‍വീസായ കൊല്‍ക്കത്ത – ഗ്വാങ്ചൗ ഇന്‍ഡിഗോ വിമാനം ഞായറാഴ്ച രാത്രി 10.07ന് നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തില്‍നിന്ന് യാത്ര തിരിച്ചു. ഇന്ത്യയും ചൈനയും തമ്മിലുള്ള നേരിട്ടുള്ള വിമാന സര്‍വീസ് ഇപ്പോള്‍ യാഥാര്‍ഥ്യമായിരിക്കുന്നു’ചൈനീസ് എംബസി വക്താവ് യു ജിങ് എക്‌സില്‍ പോസ്റ്റ് ചെയ്തു.ഷാങ്ഹായ് – ഡല്‍ഹി റൂട്ടില്‍ നവംബര്‍ ഒന്‍പതു മുതല്‍ ആഴ്ചയില്‍ മൂന്ന് സര്‍വീസുകള്‍ ഉണ്ടാകും.
കൊവിഡ്-19 കാരണം നിര്‍ത്തിവെച്ച സര്‍വീസുകള്‍ പുനരാരംഭിക്കുമെന്ന് ഇന്‍ഡിഗോ അറിയിച്ചിരുന്നു. അനുമതി ലഭിച്ചാല്‍ ഡല്‍ഹി-ഗുവാങ്ഷൂവു റൂട്ടില്‍ നേരിട്ടുള്ള വിമാനങ്ങള്‍ ആരംഭിക്കാനും ഇന്‍ഡിഗോ പദ്ധതിയിടുന്നുണ്ട്. ഡല്‍ഹിക്കും ഗുവാങ്ഷൂവിനും ഇടയില്‍ പ്രതിദിന നേരിട്ടുള്ള വിമാന സര്‍വീസ് നവംബര്‍ 10 മുതല്‍ ആരംഭിക്കുമെന്ന് ഇന്‍ഡിഗോ ഔദ്യോഗികമായി സ്ഥിരീകരിച്ചിരുന്നു.
Direct flight from India to China after five years
