ഗാസ/വെസ്റ്റ് ബാങ്ക്: ഇസ്രായേൽ തടവിൽ നിന്നും മോചിപ്പിച്ച നൂറുകണക്കിന് പലസ്തീൻ പൗരന്മാരെ വിട്ടയച്ചു. ഗാസയിലും അധിനിവേശ വെസ്റ്റ് ബാങ്കിലുമുള്ള കുടുംബങ്ങൾ കണ്ണീരോടും ആർപ്പുവിളികളോടും കൂടിയാണ് പലസ്തീൻ പൗരന്മാരെ സ്വീകരിച്ചത്. കുടുംബാംഗങ്ങളുമായി വീണ്ടും ഒരുമിച്ചതിൻ്റെ സന്തോഷം പലയിടത്തും അലതല്ലി.
ഇസ്രായേലികൾക്കെതിരായ കൊലപാതകം, മാരകമായ ആക്രമണങ്ങൾ തുടങ്ങിയ കുറ്റകൃത്യങ്ങൾക്ക് ശിക്ഷിക്കപ്പെട്ട 250 തടവുകാരെയും, കുറ്റാരോപണമില്ലാതെ ഇസ്രായേൽ തടങ്കലിൽ വെച്ചിരുന്ന 1,700 ഓളം ഗാസയിൽ നിന്നുള്ള തടവുകാരെയുമാണ് ഇസ്രായേൽ മോചിപ്പിച്ചത്.
റമല്ലയിൽ റെഡ് ക്രോസ് ബസിൽ നിന്ന് പുറത്തുവന്ന തടവുകാർ, പലരും പരമ്പരാഗത കെഫിയ സ്കാർഫുകൾ ധരിച്ചിരുന്നു. ഇവരിൽ പലരും വിളറിയും ക്ഷീണിച്ചുമിരുന്നു, ചിലർക്ക് നടക്കാൻ പോലും ബുദ്ധിമുട്ടുണ്ടായിരുന്നു.
ഹമാസ് 20 ഇസ്രായേലി ബന്ദികളെ വിട്ടയച്ചതിൻ്റെ ഭാഗമായുള്ള കൈമാറ്റ ഉടമ്പടി പ്രകാരമാണ് ഈ പലസ്തീൻ തടവുകാരെ മോചിപ്പിച്ചത്. കൊല്ലപ്പെട്ട ചില ഇസ്രായേലി ബന്ദികളുടെ മൃതദേഹാവശിഷ്ടങ്ങളും ഉടമ്പടി പ്രകാരം കൈമാറുമെന്ന് പ്രതീക്ഷിക്കുന്നു.
