ശ​ബ​രി​മ​ല സ്വ​ർ​ണ​മോ​ഷ​ണ​ക്കേ​സ്: മൂ​ന്നു ദേ​വ​സ്വം മ​ന്ത്രി​മാ​രു​ടെ​യും പ​ങ്ക് അ​ന്വേ​ഷി​ക്ക​ണമെന്ന് രമേശ് ചെന്നിത്തല

തിരുവനന്തപുരം: ശ​ബ​രി​മ​ല സ്വ​ർ​ണ​മോ​ഷ​ണ​ക്കേ​സി​ൽ ക​ഴി​ഞ്ഞ 10 വ​ർ​ഷം ദേ​വ​സ്വം ഭ​രി​ച്ച മൂ​ന്നു മ​ന്ത്രി​മാ​രു​ടെ​യും പ​ങ്ക് അ​ന്വേ​ഷി​ക്ക​ണ​മെ​ന്ന് കോ​ൺ​ഗ്ര​സ് വ​ർ​ക്കിം​ഗ് ക​മ്മി​റ്റി അം​ഗം ര​മേ​ശ് ചെ​ന്നി​ത്ത​ല ആ​വ​ശ്യ​പ്പെ​ട്ടു. ദേ​വ​സ്വം മ​ന്ത്രി​മാ​ർ അ​റി​യാ​തെ ദേ​വ​സ്വം ബോ​ർ​ഡി​ൽ ഇ​ല​യ​ന​ങ്ങി​ല്ലെന്നും, നി​ല​വി​ലെ ദേ​വ​സ്വം ബോ​ർ​ഡി​നെ കൂ​ടി പ്ര​തി​പ്പ​ട്ടി​ക​യി​ൽ ചേ​ർ​ക്ക​ണ​മെ​ന്നും അദ്ദേഹം പറഞ്ഞു.

ക​ഴി​ഞ്ഞ 10 വ​ർ​ഷ​മാ​യി കേ​ര​ള​ത്തി​ലെ ക്ഷേ​ത്ര​ങ്ങ​ൾ കേ​ന്ദ്രീ​ക​രി​ച്ചു ന​ട​ന്ന ആ​സൂ​ത്രി​ത ഉ​ന്ന​ത ത​ല മോ​ഷ​ണ​ങ്ങ​ളു​ടെ ഗൂ​ഢാ​ലോ​ച​ന​ക​ളി​ൽ ദേ​വ​സ്വം മ​ന്ത്രി​മാ​രു​ടെ പ​ങ്ക് വി​ശ​ദ​മാ​യ അ​ന്വേ​ഷ​ണ​ത്തി​ന് വി​ധേ​യ​മാ​ക്ക​ണം. ര​ണ്ട് ദേ​വ​സ്വം ബോ​ർ​ഡു​ക​ളി​ലെ​യും പ്ര​സി​ഡ​ന്റു​മാ​രും അം​ഗ​ങ്ങ​ളു​മു​ൾ​പ്പെ​ട്ട സം​ഘം ഇ​ത്ത​രം ആ​സൂ​ത്രി​ത​മാ​യ എ​ല്ലാ കൊ​ള്ള​ക​ൾ​ക്കും പി​ന്നി​ൽ കാ​ര്യ​മാ​യ പ​ങ്കു വ​ഹി​ച്ചി​ട്ടു​ണ്ടെന്നും ചെന്നിത്തല ആരോപിച്ചു.

നി​ല​വി​ലെ സ്വ​ർ​ണ​മോ​ഷ​ണ​ത്തി​ൽ പോ​ലും എ​ഫ്.​ഐ.​ആ​റി​ൽ 2019 ലെ ​ദേ​വ​സ്വം ബോ​ർ​ഡ് എ​ന്നു മാ​ത്ര​മേ പ്ര​തി ചേ​ർ​ത്തി​ട്ടു​ള്ളൂ. ദേ​വ​സ്വം പ്ര​സി​ഡ​ന്റി​നെ​യും അം​ഗ​ങ്ങ​ളെ​യും പേ​രെ​ടു​ത്തു പ​റ​ഞ്ഞു ത​ന്നെ പ്ര​തി​പ്പ​ട്ടി​ക​യി​ൽ ചേ​ർ​ക്ക​ണം. അ​വ​ർ​ക്കെ​തി​രേ വ്യ​ക്തി​പ​ര​മാ​യി ചാ​ർ​ജി​ട​ണം.

ക​ട​കം​പ​ള്ളി സു​രേ​ന്ദ്ര​ൻ, കെ. ​രാ​ധാ​കൃ​ഷ്ണ​ൻ, വാ​സ​വ​ൻ തു​ട​ങ്ങി മൂ​ന്നു ദേ​വ​സ്വം മ​ന്ത്രി​മാ​രാ​ണ് ക​ഴി​ഞ്ഞ 10 വ​ർ​ഷ​ത്തി​നി​ടെ ഉ​ണ്ടാ​യി​രു​ന്ന​ത്. ഇ​വ​രി​ലാ​ർ​ക്കും മോ​ഷ​ണ​ത്തി​ന്റെ ഉ​ത്ത​ര​വാ​ദി​ത്വത്തിൽ നി​ന്ന് ഒ​ഴി​ഞ്ഞു മാ​റാ​നാ​വി​ല്ല. ഇ​വ​രി​ൽ ഓ​രോ​രു​ത്ത​രു​ടെ പ​ങ്കും അ​ന്വേ​ഷി​ക്ക​ണ​മെ​ന്നും രമേശ് ചെന്നിത്തല ആവശ്യപ്പെട്ടു.

Ramesh Chennithala demanded an investigation into the involvement of the three Devaswom Ministers who governed over the past 10 years in the Sabarimala gold theft case