മാര്‍ട്ടിന്‍ വിലങ്ങോലില്‍
ഫാര്‍മേഴ്‌സ് ബ്രാഞ്ച്, (ടെക്സാസ്): മലയാളി വോളിബോള്‍ പ്രേമികള്‍ ആവേശത്തോടെ കാത്തിരിക്കുന്ന 19-ാമത് ബ്ലെസണ്‍ ജോര്‍ജ്‌മെമ്മോറിയല്‍ വോളിബോള്‍ ടൂര്‍ണമെന്റ് ഒക്ടോബര്‍ 18 ശനിയാഴ്ച്ച നടക്കും. ഫാര്‍മേഴ്‌സ് ബ്രാഞ്ചിലെ റൈസ് എനര്‍ജി സ്റ്റാര്‍സെന്ററില്‍ (2400 Pike Street, Farmers Branch, TX 75234) ലാണ് ടൂര്‍ണമെന്റ്.
വോളിബോള്‍ രംഗത്തെ പ്രമുഖ ടീമുകള്‍ കിരീടത്തിനായി ഏറ്റുമുട്ടുന്ന ഈ കായിക മാമാങ്കത്തിന് ഡാളസിലെ പ്രമുഖ ടീമായ ഡാളസ് സ്‌ട്രൈക്കേഴ്‌സ് ആണ് ആതിഥേയത്വം വഹിക്കുന്നത്.
ബ്ലെസണ്‍ ജോര്‍ജിന്റെ സ്മരണാര്‍ഥം സംഘടിപ്പിക്കുന്ന ഈ ടൂര്‍ണമെന്റില്‍ വാശിയേറിയ മത്സരങ്ങള്‍ രാവിലെ മുതല്‍ നടക്കും.
പ്രധാന ടീമുകള്‍: സംഘാടകരായ ഡാളസ് സ്‌ട്രൈക്കേഴ്‌സിനെ കൂടാതെ ഹൂസ്റ്റണ്‍ ചലഞ്ചേഴ്‌സ്, ഇന്‍ഡി റൂട്ട്‌സ് ഓസ്റ്റിന്‍ തുടങ്ങി എട്ടോളം പ്രമുഖ വോളിബോള്‍ ടീമുകള്‍ ടൂര്‍ണമെന്റില്‍ മാറ്റുരയ്ക്കും. കായിക താരങ്ങളെയും ആരാധകരേയും ഒരുമിപ്പിച്ച് നിര്‍ത്തുന്ന ഈ പരിപാടി ഡാളസിലെ കായിക പ്രേമികള്‍ക്ക് ഒരു വിരുന്നാകും. കായിക പ്രേമികളെ ഡാളസ് സ്‌ട്രൈക്കേഴ്‌സ് സ്‌നേഹപൂര്‍വ്വം ക്ഷണിക്കുന്നതായി അറിയിച്ചു.
ലോസണ്‍ ട്രാവല്‍, സിബി ക്രിസ്റ്റല്‍ റൂള്‍ഫിങ്, മസാല ട്വിസ്റ്റ് റസ്റ്റോറന്റ് , പിള്ളൈ സി.പി.എ., ഇംപാക്ട് ടാക്‌സ്, വിനോദ് ചാക്കോ ബീം റിയാലിറ്റി, ജൂഡി ജോസ് ഗ്രാന്‍ഡ് ലിക്വര്‍ ഗ്രൂപ്പ്, എ ബി ഇമ്പോര്‍ട്ട് ഓട്ടോ സെന്റര്‍, ഫിസിക്കല്‍ തെറാപ്പി 365, എസ്എസ്ഈ റൂഫിങ്, കാര്‍ലോസ് ഓള്‍സ്റ്റേറ്റ് ഇന്‍ഷുറന്‍സ്, അമീഗോസ് ടയര്‍ ഡിപ്പോട്ട്, മോഡേണ്‍ കോണ്‍ട്രാക്ടേഴ്സ്, ടെക്സാസ് എവി സൊലൂഷന്‍സ് എന്നിവ ഉള്‍പ്പെടെയുള്ള നിരവധി സ്ഥാപനങ്ങളാണ് ടൂര്‍ണമെന്റിന്റെ മുഖ്യ പ്രായോജകര്‍.
വിശദ വിവരങ്ങള്‍ക്ക് :
നെല്‍സണ്‍ കെ ജോണ്‍സണ്‍: 972-510-3665
ഷിബു ഫിലിപ്പ് : 214-603-5153
The Blason George Memorial Volleyball Tournament, hosted by the Dallas Strikers, is on Saturday.
