തിരുവനന്തപുരം: തിരുവനന്തപുരം കോര്പ്പറേഷന് മുട്ടട വാര്ഡിലെ യു.ഡി.എഫ് സ്ഥാനാര്ഥി വൈഷ്ണ സുരേഷിന്റെ പേര് വോട്ടര് പട്ടികയില് നിന്ന് നീക്കം ചെയ്യാന് സി.പി.എം ക്രിമിനല് ഗൂഡാലോചന നടത്തിയെന്ന് പ്രതിപക്ഷ നേതാവ് വി.ഡി സതീശന്. തിരുവനന്തപുരത്തെ രണ്ട് പ്രധാന സി.പി.എം നേതാക്കള്ക്ക് ഗൂഡാലോചനയില് നേരിട്ട് പങ്കുണ്ട്.
കോര്പ്പറേഷനിലെ സി.പി.എമ്മുകാരായ ചില ഉദ്യോഗസ്ഥര് കൂടി ഈ ക്രിമിനല് പ്രവര്ത്തിയില് പങ്കാളികളാണ്. ഇതേ കുറിച്ച് തിരഞ്ഞെടുപ്പ് കമ്മിഷന് സമഗ്രമായി പരിശോധിക്കണം. അന്വേഷണത്തിന് പ്രത്യേക സംഘത്തെ നിയോഗിക്കണം. അല്ലെങ്കില് യു.ഡി.എഫ് നിയമ നടപടി സ്വീകരിക്കും.
എന്നാല് വൈഷ്ണയുടെ വോട്ട് പുനസ്ഥാപിച്ചു കൊണ്ട് സംസ്ഥാന തിരഞ്ഞെടുപ്പ് കമ്മിഷന് പുറത്തിറക്കിയ ഉത്തരവിന് ഉദ്യോഗസ്ഥ തലത്തിലെ ഗുരുത വീഴ്ചകള് എടുത്ത് പറയുന്നുമുണ്ട്.
സി.പി.എം പ്രാദേശിക നേതാവിന്റെ പരാതിയില് കോര്പ്പറേഷന് ഇലക്ടറല് രജിസ്ട്രേഷന് ഓഫീസര് തീര്ത്തും ഏകപക്ഷീയമായാണ് തീരുമാനമെടുത്തതും. കൂടാതെ വൈഷ്ണയുടെ പേര് നീക്കം ചെയ്തതിന് ഒരു ന്യായീകരണവും ഇല്ലെന്നുമാണ് തിരഞ്ഞെടുപ്പ് കമ്മിഷന്റെ കണ്ടെത്തല്.
ഹിയറിംഗിന്റെ സമയത്ത് നല്കിയ വൈഷ്ണ സമര്പ്പിച്ച രേഖകള് ഒന്നും ഉദ്യോഗസ്ഥന് പരിഗണിച്ചില്ലെന്നും ആക്ഷേപം ശക്തമാണ്.
CPM's criminal conspiracy behind Vaishna's vote-stealing: Opposition leader
