വിശ്വപ്രസിദ്ധമായ ഹിന്ദുജ ഗ്രൂപ്പ് ചെയർമാൻ ഗോപിചന്ദ് പി. ഹിന്ദുജ 85-ാം വയസ്സിൽ അന്തരിച്ചു. ലണ്ടനിലെ ഒരു ആശുപത്രിയിൽ വെച്ചായിരുന്നു അദ്ദേഹത്തിൻ്റെ അന്ത്യം. കഴിഞ്ഞ കുറച്ച് ആഴ്ചകളായി അസുഖ ബാധിതനായിരുന്ന ‘ജിപി’ എന്നറിയപ്പെട്ടിരുന്ന അദ്ദേഹം, ബിസിനസ് ലോകത്ത് ഏറെ ആദരിക്കപ്പെട്ടിരുന്ന വ്യക്തിത്വമായിരുന്നു. അദ്ദേഹത്തിൻ്റെ വിയോഗം കുടുംബാംഗങ്ങൾക്കും ബിസിനസ് സമൂഹത്തിനും വലിയ നഷ്ടമാണ് വരുത്തിയിരിക്കുന്നത്. ഹിന്ദുജ കുടുംബത്തിലെ രണ്ടാം തലമുറയിലെ അംഗമായിരുന്നു ഗോപിചന്ദ്. 2023 മെയ് മാസത്തിൽ അദ്ദേഹത്തിൻ്റെ ജ്യേഷ്ഠൻ ശ്രീകാന്ത് അന്തരിച്ചതിനെ തുടർന്നാണ് ഗോപിചന്ദ് ഗ്രൂപ്പ് ചെയർമാൻ സ്ഥാനം ഏറ്റെടുത്തത്. ഭാര്യ സുനിത, സഞ്ജയ്, ധീരജ്, മകൾ റീത്ത എന്നിവർ മക്കൾ.നിരവധി മേഖലകളിൽ തങ്ങളുടെ സാന്നിധ്യം ഉറപ്പിച്ച ഒരു ആഗോള ബിസിനസ് സാമ്രാജ്യമാണ് ഹിന്ദുജ ഗ്രൂപ്പ്. ഗ്രൂപ്പിൻ്റെ വളർച്ചയിൽ ഗോപിചന്ദ് പി. ഹിന്ദുജ വഹിച്ച പങ്ക് വളരെ വലുതാണ്. അദ്ദേഹത്തിൻ്റെ നേതൃത്വത്തിൽ ഗ്രൂപ്പ് കൂടുതൽ ഉയരങ്ങളിലേക്ക് എത്തുകയായിരുന്നു.
