ഡാലസ്: ഫോറസ്റ്റ് ലെയ്‌നിലെ വാൾമാർട്ട് സ്റ്റോറിന്റെ പാർക്കിംഗ് ഏരിയയിൽ ബുധനാഴ്ച ഉച്ചയ്ക്ക് ശേഷം നടന്ന വെടിവയ്പ്പിൽ ഒരാൾ കൊല്ലപ്പെടുകയും രണ്ട് പേർക്ക് പരിക്കേൽക്കുകയും ചെയ്തു. ഉച്ച കഴിഞ്ഞ് ഏകദേശം 3:30-നായിരുന്നു സംഭവം.
രണ്ട് മുതിർന്ന സ്ത്രീകൾക്ക് വെടിയേൽക്കുകയും അവരെ ഉടൻ തന്നെ പ്രാദേശിക ആശുപത്രികളിലേക്ക് മാറ്റുകയും ചെയ്തു. ഇവരുടെ നിലയെക്കുറിച്ച് കൂടുതൽ വിവരങ്ങൾ ലഭ്യമല്ല.
വെടിവയ്പ്പുമായി ബന്ധമുണ്ടെന്ന് സംശയിക്കുന്ന മൂന്നാമതൊരാൾ സംഭവസ്ഥലത്തെ ഒരു വാഹനത്തിനുള്ളിൽ മരിച്ച നിലയിൽ കാണപ്പെട്ടു. ഇയാളുടെ വാഹനത്തിൽ നിരവധി ആയുധങ്ങൾ പോലീസ് കണ്ടെത്തിയിട്ടുണ്ട്. ഇയാൾക്ക് നേരെ ആരാണ് വെടിയുതിർത്തതെന്ന് പോലീസ് ഇതുവരെ സ്ഥിരീകരിച്ചിട്ടില്ല.
സംഭവം നടന്ന ഉടൻ തന്നെ കടയിലെത്തിയവർ പരിഭ്രാന്തരായി ഓടി രക്ഷപ്പെട്ടു. ഡാലസ് പോലീസ് സംഭവത്തെക്കുറിച്ച് കൂടുതൽ വിവരങ്ങൾ ശേഖരിച്ചുവരികയാണ്.
Shooting outside Dallas Walmart One dead two injured
