തിരുവനന്തപുരം: കിഫ്ബിയുടെ മസാല ബോണ്ട് ഇടപാടില് മുഖ്യമന്ത്രി പിണറായി വിജയന് ഉള്പ്പെടെയുള്ളവര്ക്കെതിരേ ഇഡി നോട്ടീസ്. മുഖ്യമന്ത്രിയെ കൂടാതെ മുന് ധനകാര്യമന്ത്രി തോമസ് ഐസ്ക്, കിഫ്ബി സിഇഒ കെഎം എബ്രഹാം എന്നിവര്ക്കാണ് കാരണം കാണിക്കല് നോട്ടീസ്.
മസാല ബോണ്ട് വഴി സമാഹരിച്ച പണം അടിസ്ഥാന സൗകര്യ പദ്ധതികള്ക്ക് വിനിയോഗിച്ചത് ചട്ടലംഘനമെന്നാണ് ഇഡിയുടെ കണ്ടെത്തല്. ശനിയാഴ്ചയാണ് ഇഡി നോട്ടീസ് നല്കിയത്. കിഫ്ബി ഹാജരാക്കിയ രേഖകള് അടക്കം പരിശോധിച്ചാണ് ചട്ടലംഘനം നടന്നുവെന്ന ഇഡിയുടെ കണ്ടെത്തല്. കാരണം കാണിക്കല് നോട്ടീസ് ലഭിച്ചവര്ക്ക് പ്രതിനിധി വഴിയോ അഭിഭാഷകര് വഴിയോ മറുപടി നല്കാന് ഇരുപക്ഷവും കേട്ടശേഷമായിരിക്കും അഡ്ജുഡിക്കേറ്റിങ് അതോറിറ്റിയുടെ അന്തിമതീരുമാനം.
2019ല് 9.72 ശതമാനം പലിശയില് ലണ്ടന് സ്റ്റോക്ക് എക്സ്ചേഞ്ചില് മസാല ബോണ്ട് ഇറക്കി 2150 കോടിയാണ് കിഫ്ബി വഴി സമാഹരിച്ചത്. 2019 ജനുവരി 17ന് മുഖ്യമന്ത്രിയുടെ നേതൃത്വത്തില് ചേര്ന്ന കിഫ്ബി ബോര്ഡ് യോഗത്തിലാണ് മസാല ബോണ്ട് ഇറക്കാനുള്ള നടപടികള് പൂര്ത്തിയാക്കാന് തീരുമാനിച്ചത്.
ED notice issued to CM in masala bond deal
