കൊച്ചി: ബലാല്സംഗ കേസില് പ്രതി ചേര്ക്കപ്പെട്ട രാഹുല് മാങ്കൂട്ടത്തില് എംഎല്എയുടെ അറസ്്റ്റ് തടഞ്ഞ് ഹൈക്കോടതിയ ഈ മാസം 15 വരെ രാഹുലിനെ അറസ്റ്റ് ചെയ്യെരുതെന്നാണ് ഹൈക്കോടതി ഉത്തരവ്.
രാഹുല് നല്കിയിരിക്കുന്ന മുന്കൂര് ജാമ്യാപേക്ഷ 15 ന്വീണ്ടും പരിഗണിക്കും. തെരഞ്ഞെടുപ്പിന് ശേഷമായിരിക്കും കേസ് പരിഗണിക്കുക. കേസില് വിശദവാദം കേള്ക്കണമെന്ന് കോടതി വ്യക്തമാക്കി. കേസ് ഡയറി ഹാജരാക്കാനും കോടതി നിര്ദേശിച്ചു.
രാഹുലിന്റെ മുന്കൂര് ജാമ്യാപേക്ഷ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയിരുന്നു. തുടര്ന്നാണ് രാഹുല് ഹൈക്കോടതിയില് ഹര്ജി നല്കിയത്. പത്താം ദിവസവും രാഹുല് ഒളിവില് തുടരുകയാണ്. ജസ്റ്റിസ് കെ ബാബുവിന്റെ ബെഞ്ചാണ് ഹര്ജി പരിഗണിച്ചത്.
തത്ക്കാലത്തേക്ക് അറസ്റ്റ് തടഞ്ഞുകൊണ്ടുള്ള ഇടക്കാല ഉത്തരവാണ് പുറത്തുവന്നിരിക്കുന്നത്. ഹര്ജിയില് വാദം കേട്ടിട്ടില്ല. വിശദമായ വാദം കേട്ടതിന് ശേഷമേ ഇക്കാര്യത്തില് ഒരു തീരുമാനത്തിലേക്ക് പോകാവൂ എന്ന് ജസ്റ്റീസ് കെ ബാബുവിന് മുന്നില് അഭിഭാഷകന് ഉന്നയിച്ചു. തുടര്ന്നാണ് ഇക്കാര്യത്തില് ഇടക്കാല ഉത്തരവ് പുറപ്പെടുവിക്കുന്നതായും രാഹുല് മാങ്കൂട്ടത്തിലിന്റെ അറസ്റ്റ് തത്ക്കാലത്തേക്ക് തടയുന്നതായും ജസ്റ്റിസ് കെ ബാബു അറിയിച്ചത്.
High Court stays Rahul Mangkootatil’s arrest till June 15
