ന്യൂഡല്ഹി: ഇന്ഡിഗോ വിമാനത്തിലെ യാത്ര പ്രതിസന്ധി തുടരുന്നതിനിടെ ഡല്ഡഹി വിമാനത്താവളത്തില് നിന്നുള്ള ഇന്ഡിയോയുടെ എല്ലാ വിമാന സര്വീസുകളും ഇന്ന് അര്ധരാത്രി വരെ നിര്ത്തിവെച്ചു. ഇന്നലെ 550 സര്വീസുകള് ഇന്ഡിഗോ റദ്ദാക്കിയിരുന്നു.
ഇന്ന് 330 സര്വീസുകള് റദ്ദാക്കി. മുംബൈ, പൂനെ, ബെംഗളൂരു, ഹൈദരാബാദ് എന്നിവിടങ്ങളില് നിന്നുള്ള സര്വീസുകളും റദ്ദാക്കപ്പെട്ടവയില് ഉള്പ്പെടുന്നു. ഇതോടെ യാത്രക്കാര് വിമാനത്താവളങ്ങളില് കുടുങ്ങി. ഇന്ദിരാഗാന്ധി അന്താരാഷ്ട്ര (ഐജിഐ) വിമാനത്താവളത്തില് നിന്നും നടത്തേണ്ട എല്ാ സര്വീസുകളും നിര്ത്തിവയ്ക്കല് അര്ധരാത്രി വരെ തുടരുമെന്നു അധികൃതര് വ്യക്തമാക്കി.
വ്യാഴാച്ച് മാത്രം 550 സര്വീസുകളാണ് ഇന്ഡിഗോ റദ്ദാക്കിയത്. ഇന്നും പ്രതിസന്ധി തുടരുകയാണ്.തിരുവനന്തപുരം വിമാനത്താവളത്തില് ഉള്പ്പെടെ പ്രതിസന്ധി തുടരുകയാണ്. ഇന്നു രാവിലെ തിരുവനന്തപുരത്തേയ്ക്ക് എത്തേണ്ട രണ്ടു വിമാനങ്ങളും തിരുവനന്തപുരത്തു നിന്നും പുറപ്പെടേണ്ട രണ്ടുവിമാനങ്ങളും രാവിലെ എട്ടിനുള്ളില് റദ്ദാക്കി.
വ്യാഴാഴ്ച്ച റദ്ദാക്കിയ വിമാനങ്ങളില് 191 സര്വീസുകള് ഡല്ഹി, മുംബൈ, അഹമ്മദാബാദ്, ഹൈദരാബാദ് എന്നിവിടങ്ങളില് നിന്നുള്ളവയായിരുന്നു, ഇത് വിമാനത്താവളങ്ങളില് വലിയ പ്രതിസന്ധി ഉണ്ടാക്കി, . നിലവിലെ പ്രതിസന്ധിയില് എയര്ലൈന്സ് പ്രസ്താവന പുറത്തിറക്കി.
കഴിഞ്ഞ രണ്ട് ദിവസങ്ങളിലായി ഇന്ഡിഗോയുടെ പ്രവര്ത്തനങ്ങളിലുണ്ടായ പ്രതിസന്ധിയില് ക്ഷമാപണം നടത്തുന്നതായി ഇന്ഡിഗോ സിഇഒ പീറ്റര് എല്ബര്ട്ട വ്യക്തമാക്കി. പ്രവര്ത്തനങ്ങള് സാധാരണ നിലയിലാക്കാനും സിവില് ഏവിയേഷന് മന്ത്രാലയം (ങഛഇഅ), ഡി.ജി.സി.എ., ബി.സി.എ.എസ്., എ.എ.ഐ., വിമാനത്താവള ഓപ്പറേറ്റര്മാര് എന്നിവരുടെ പിന്തുണയോടെ ഇന്ഡിഗോ ടീമുകള് പരിശ്രമിക്കുകയാണെന്നും പ്രസ്താവനയില് പറഞ്ഞു.നവംബറില് മാത്രം എയര്ലൈന് 1,232 വിമാനങ്ങള് റദ്ദാക്കുകയും നിരവധി വിമാനങ്ങള് വൈകുകയും ചെയ്തിരുന്നു.
മോശം പ്രകടനത്തെത്തുടര്ന്ന് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡി.ജി.സി.എ.) അന്വേഷണം ആരംഭിച്ചു. പ്രവര്ത്തനങ്ങളിലെ പ്രതിസന്ധിക്കു പിന്നിലെ കാരണങ്ങള് വ്യക്തമാക്കാന് വ്യോമയാന റെഗുലേറ്റര് എയര്ലൈന്സിനോട് ആവശ്യപ്പെട്ടു.
IndiGo Flights Cancellations Live: IndiGo Delhi flights cancelled for rest of day
