ന്യൂഡല്ഹി: സംസ്ഥാനത്തെ രണ്ടു സർവകലാശാലകളിലെ വി. സി നിയമനം സുപ്രീം കോടതി നേരിട്ട് നടത്തും. ഗവര്ണര്- മുഖ്യമന്ത്രി തര്ക്ക ത്തെത്തുടര്ന്നാണ് ഡിജിറ്റല്, സാങ്കേതിക സര്വകലാശാല വൈസ് ചാന്സലര്മാരെ സുപ്രീംകോടതി നേരിട്ട് നിയമിക്കാൻ തീരുമാനിച്ചത് .ഇരു സര്വക ലാശാലകളിലേക്കും ഓരോ പേരുകള് അടങ്ങിയ ശുപാര്ശ സമര്പ്പിക്കാന് ജസ്റ്റിസ് സുധാംശു ധൂലിയ കമ്മറ്റിക്ക് സുപ്രീംകോടതി നിര്ദേശം നല്കി.
മുദ്ര വെച്ച കവറില് ഒരാഴ്ചയ്ക്കകം റിപ്പോര്ട്ട് നല്കാനാണ് സുപ്രീംകോടതി നിയോഗിച്ച ധൂലിയ കമ്മിറ്റിക്ക് നിര്ദേശം നല്കിയിട്ടുള്ളത്. കേസ് അടുത്ത വ്യാഴാഴ്ച സുപ്രീംകോടതി വീണ്ടും പരിഗണിക്കും.ഗവര്ണറും മന്ത്രിമാരും വീണ്ടും ചര്ച്ച നടത്തിയെങ്കിലും സമവായ ത്തിലെത്താനായില്ലെന്ന് കോടതിയെ അറിയിച്ചു. തുടര്ന്നാണ് നിയമനം നടത്താന് ജസ്റ്റിസ് ജെ ബി പര്ദിവാല, ജസ്റ്റിസ് കെ വി വിശ്വനാഥന് എന്നിവരടങ്ങിയ ബെഞ്ച് തീരുമാനിച്ചത്.
രണ്ടു സര്വകലാശാലകളിലേക്കും ഒരു വനിതയെ പരിഗണിക്കാമെന്ന് കമ്മിറ്റി ശുപാര്ശ ചെയ്തിട്ടുണ്ടെന്നാണ് അറിയുന്നതെന്ന് ജസ്റ്റിസ് പര്ദിവാല പറഞ്ഞു. ആ വനിതയുമായി സര്ക്കാരിന് എന്തെങ്കിലും പ്രശ്നമുണ്ടോയെന്നും കോടതി ചോദിച്ചു. അവര് നിരവധി സര്ക്കാര് കമ്മിറ്റികള്ക്ക് നേതൃത്വം നല്കുന്നുണ്ടെന്ന് ഗവര്ണര്ക്ക് വേണ്ടി ഹാജരായ അറ്റോര്ണി ജനറല് ആര് വെങ്കിട്ടരമണി ചൂണ്ടിക്കാട്ടി.
The appointment of the VC of the Digital and Technological University will be made directly by the Supreme Court.
